Micha 2:12 - Pennsylvania Dutch Bible

¹² Ich zayl geviss eich awl zammah fasamla, diah leit fumm Jakob; ich zayl geviss es ivvahricha funn Israel zammah bringa. Ich bring si zammah es vi shohf in en shtall, vi en drubb in di vayt. Deah blatz zayld yachtich sei mitt feel leit.

Micha 2:12 Σταυροειδείς Αναφορές

1. Mosi 36:33

Vo da Bela kshtauva is, is da Jobab funn Bozra, em Serah sei boo kaynich vadda.

1. Chronik 1:44

Vo da Bela kshtauva is, is da Jobab, em Serah sei boo funn Bozra, kaynich vadda an seim blatz.

Jesoiya 11:11

In sellem dawk zayld da Hah viddah's zvett mohl sei hand naus langa, un zayld sei leit ohnemma es ivvahrich sinn— selli funn Assyria, Egypta, Pathros, Kush Elam, Shinar, Hamath, un selli es funn di islands fumm say sinn.

Jesoiya 27:12

In sellem dawk zayld da Hah frucht dresha fumm Euphrates Revvah biss an di Grikk funn Egypta, un diah, Kinnah-Israel, vaddet zammah ksammeld ayns bei ayns.

Jesoiya 34:6

Es shvatt fumm Hah is foll bloot, un is satt funn fett, fumm bloot funn lemmah un gays, fumm niahra-fett funn shohf-bekk. Fa da Hah macht en opfah in Bozra un en grohsi shlacht in Edom.

Jesoiya 5:17

No zayla di lemmah datt vayda es vi in iahra aykni feldah, un fremdi zayla essa in di reicha iahra fadauvani bletz.

Jeremia 23:3

“Ich selvaht zayl zammah samla vass ivvahrich is funn mei drubb aus awl di lendah es ich si anna gedrivva habb, un zayl si zrikk bringa in iahra aykni vayt. Datt zayla si fruchtboah sei un feel vadda.

Jeremia 3:18

In selli dawwa zayld's haus funn Juda zammah gay mitt em haus funn Israel un si zayla mitt-nannah runnah kumma funn en land in di natt in's land es ich iahra foah-feddah gevva habb fa en eahbshaft.

Ezekiel 34:11

So dess is vass da Awlmechtich Hah sawkt: Ich selvaht zayl gay sucha fa mei shohf un nohch gukka noch eena.

Ezekiel 34:13

Ich bring si rei aus di heida un sammel si zammah aus di lendah, un bring si in iahra ayya land. Ich vayt si uf di berga funn Israel, an di grikka nohch un vo leit voona im gansa land.

Ezekiel 34:22

dann helf ich mei shohf so es si nimmi grawbt vadda. Ich zayl richta zvishich aym shohf un em anra.

Ezekiel 34:31

Diah mensha sind mei shohf, di shohf funn mei vayt-feld, un ich binn eiyah Gott, sawkt da Awlmechtich Hah.’”

Ezekiel 36:37

Dess is vass da Awlmechtich Hah sawkt: Ich zayl aw's haus funn Israel lossa mich frohwa fa dess du fa si: Ich mach iahra leit so feel es shohf,

Ezekiel 37:21

un sawk zu eena, ‘Dess is vass da Awlmechtich Hah sawkt: Ich zayl di Israeliddah aus di heida-lendah nemma vo si anna ganga sinn. Ich zayl si zammah bringa funn ivvahrawlich rumm un si zrikk bringa in iahra ayya land.

Hosea 1:11

Di kinnah Juda un di Kinnah-Israel zayla viddah zammah kumma un zayla sich ay evvahshtah foah-gengah macha, un zayla ruff aus em land kumma. Un da dawk funn Jesreel zayld en grohsah dawk sei.”

Amos 1:12

dann shikk ich feiyah uf di shtatt Theman, un fabrenn di greeks-heisah funn Bozra.”

Micha 2:13

Es zayld en deich-brechah fannich eena heah gay; si zayla raus brecha un deich's doah naus gay. Iahra kaynich zayld fannich eena heah gay, da Hah zayld si fiahra.”

Micha 4:8

Un du, oh vatsh-tavvah funn di shohf, du shteikah hivvel fumm dochtah funn Zion; dei kaynich-reich vatt diah zrikk gevva, es kaynich-reich funn di dochtah funn Jerusalem.”

Micha 5:7

No zayla selli es ivvahrich sinn fumm Jakob naus unnich feel leit kshtroit sei, vi da dau fumm Hah, un vi da reyyah uf em graws, da reyyah es nett voaht fa ennich ebbah, es nett voaht uf di mensha.

Micha 5:8

Selli es ivvahrich sinn aus em Jakob zayla unnich di heida kshtroit sei, unnich feel leit vi en layb unnich di diahra fumm bush, vi da yung layb unnich di shohf-drubba es si famawld un fareist vi eah gayt, un es nimmand shtobba kann.

Micha 7:14

Du avvah, heet dei leit mitt deim shtokk, dee drubb shohf funn dei eahbshaft, dee es bei sich selvaht sinn im bush, un in di fruchtboahra feldah. Loss si vayda in Basan un in Gilead, so vi in di dawwa lang zrikk.

Micha 7:18

Veah is en Gott vi du, deah es sinda fagebt un es di shulda fagest funn dei leit es ivvahrich sinn? Dei zann bleibt nett fa'immah, avvah du gleichsht bamhatzich sei.

Zephania 3:20

An selli zeit zayl ich eich zammah geddahra un eich haym bringa. Ich gebb eich lohb un eah unnich awl di leit uf di eaht vann ich eiyah kfengnis vekk nemm fannich eiyah awwa.” So sawkt da Hah.