Matthäus 9:31 - Pennsylvania Dutch Bible

³¹ Avvah si sinn naus ganga un henn fazayld veyyich eem ivvah's gans land.

Matthäus 9:31 Σταυροειδείς Αναφορές

Matthäus 14:1

An selli zeit is es kshvetz veyyich Jesus zumm Kaynich Herodes kumma,

Matthäus 28:15

No henn si's geld gnumma un henn gedu vi's eena ksawt gvest voah. Dess is veit rumm fazayld vadda un sell is vi di Yudda heit noch sawwa es es gvest voah.

Matthäus 4:24

Di leit henn keaht funn Jesus deich's gans land funn Syria un si henn leit zu eem gebrocht es alli sadda grankeda un shmatza katt henn. Si henn leit gebrocht es deivela in sich katt henn, anri es nett recht voahra in di meind, un dayl es sich nett farayya henn kenna, un eah hott si kayld.

Matthäus 9:26

Un's kshvetz veyyich demm is deich's gans land ganga.

Markus 1:28

Un's kshvetz veyyich eem is kshvind rumm heah ganga deich's gans land funn Galilaya.

Markus 7:36

Eah hott eena no ksawt, “Sawwet nimmand dess.” Avvah vi may es eah si fabodda hott, vi may es si dess rumm fazayld henn.

Lukas 4:14

Un Jesus is no zrikk in Galilaya ganga in di graft fumm Heilicha Geisht, un's kshvetz veyyich eem is ivvahrawlich naus ganga in selli landshaft.

Lukas 4:37

Un's kshvetz veyyich eem is ivvahrawlich naus ganga in selli landshaft.

Lukas 5:15

Avvah yusht so feel may is dess kshvetz rumm heah ganga veyyich eem; un grohsi drubba sinn bei kumma fa een heahra un fa kayld vadda funn iahra grankeda,

Lukas 7:17

Un's kshvetz veyyich demm is ivvahrawlich rumm ganga deich gans Judayya un deich awl di landshaft datt rumm.