Matthäus 8:31 - Pennsylvania Dutch Bible

³¹ No henn di deivela een kfrohkt, “Vann du uns raus dreiva dusht, loss uns in selli sei gay.”

Matthäus 8:31 Σταυροειδείς Αναφορές

Matthäus 4:24

Di leit henn keaht funn Jesus deich's gans land funn Syria un si henn leit zu eem gebrocht es alli sadda grankeda un shmatza katt henn. Si henn leit gebrocht es deivela in sich katt henn, anri es nett recht voahra in di meind, un dayl es sich nett farayya henn kenna, un eah hott si kayld.

Matthäus 7:6

Gevvet nett sell vass heilich is zu di hund, un shmeiset nett eiyah keshtlichi sacha zu di sei, shunsht doon si's fadredda mitt di fees un no rumm drayya un eich fareisa.”

Matthäus 8:30

Nau en shtikk nayva draus voah en grohsi drubb sei in di vayt.

Matthäus 8:32

Jesus hott ksawt zu eena, “Gaynd.” Di deivela sinn aus di mennah kumma un sinn in di sei ganga. Un awl di sei sinn shteik da hivvel nunnah kshprunga, sinn in da say kfalla un sinn fasoffa.

Markus 5:12

Un di deivela henn een gebitt, “Shikk uns in di sei, loss uns in si nei gay.”

Markus 5:7

un hott naus gegrisha mitt en laudi shtimm, “Vass hosht du zu du mitt miah, Jesus du Sohn Gottes fumm Alli-Haychshta? Ich hald oh bei diah in Gottes nohma es du mich nett gvaylsht un leida machsht.”

Di Offenbarung 12:12

Fasell, seind froh diah himla un diah vo drinn voonet. Avvah vay zu selli es uf di eaht un uf em say voona, fa da Deivel is nunnah kumma zu eich. Eah hott en grohsah zann, veil eah vayst es eah yusht en katzi zeit hott.”