Matthäus 8:17 - Pennsylvania Dutch Bible

¹⁷ Dess voah so es es folfild vatt vass da brofayt Jesaia ksawt hott. “Eah hott unsah shvachheida uf sich gnumma, un hott unsah grank-heida gedrawwa.”

Matthäus 8:17 Σταυροειδείς Αναφορές

1. Mosi 22:6

Da Abraham hott's hols fa's brand-opfah uf sei boo da Isaac gedu, un eah selvaht hott's feiyah un's messah gedrawwa. Sellah vayk sinn di zvay funna on gloffa.

Jesoiya 53:4

Doch hott eah unsah grankeda uf sich selvaht gnumma, un unsah shmatza gedrawwa; avvah miah henn gmaynd eah voah am kshtrohft un kshlauwa vadda bei Gott, un in aylenda glost.

Matthäus 1:22

Nau dess hott alles blatz gnumma so es es voah kumma soll vass da Hah ksawt katt hott deich da brofayt. Eah hott ksawt:

Matthäus 2:15

Si sinn datt geblivva biss da Herodes kshtauva voah. So es es voah kumma sett, vass da Hah deich da brofayt ksawt hott, “Ich habb mei Sohn aus Egypta groofa.”

Matthäus 2:23

No is eah kumma un hott in di shtatt funn Nazareth gvoond, so es es voah kumma soll vass di brofayda ksawt henn, “Eah soll en Nazaraynah kaysa sei.”

Markus 1:32

Sellah ohvet noch sunn-unnah, henn si awl di granka zu eem gebrocht un aw selli vo baysi geishtah in sich katt henn.

Lukas 4:40

Vi di sunn am unnah gay voah, henn si awl iahra leit zu eem gebrocht es alli sadda grankeda katt henn; un eah hott sei hend uf si glaykt un hott si awl kayld.

2. Korinther 12:10

Un fasell, froi ich mich in mei shvachheit, in fashohmd vadda, in noht havva, in fafolkt vadda, un in angsht havva fa da villa funn Christus. Fa vann ich shvach binn, no binn ich shteik.

1. Petrus 2:24

Eah hott unsah sinda gedrawwa in seim aykna leib uf em greitz, so es miah, vo doht sinn zu sinda, layva sedda fa gerechtichkeit. Deich sei gayshel-meiks sind diah kayld vadda.