Matthäus 7:26 - Pennsylvania Dutch Bible

²⁶ Un veah-evvah es mei vadda heaht un dutt si nett, een doon ich fagleicha zu en mann unni veisheit es sei haus uf da sand gebaut hott.

Matthäus 7:26 Σταυροειδείς Αναφορές

Hiob 22:16

Si voahra vekk gedrawwa eb's iahra zeit voah, es vassah hott iahra grund vekk gvesha.

Shpricha 14:1

Di fraw mitt veisheit baut iahra haus uf, avvah en unksheit veibsmensh fadaubt iahra's bei vass see dutt.

Jeremia 8:9

Eiyah mennah mitt veisheit vadda fashohmd, si zayla engshtlich sei un kfanga vadda. Si henn em Hah sei vatt nunnah gedrayt, so vass fa veisheit henn si nau?

Matthäus 7:24

“So veah-evvah es mei vadda heaht un dutt si, een doon ich fagleicha zu en mann mitt veisheit es sei haus uf en felsa gebaut hott.

Matthäus 7:25

No hott's hatt greyyaht un's vassah is hohch vadda, un da vind hott veddah sell haus geblohsa, avvah's is nett zammah kfalla, veil's uf da felsa gebaut voah.

Matthäus 7:27

No hott's hatt greyyaht un's vassah is hohch vadda, un da vind hott veddah sell haus geblohsa, un's is zammah kfalla un voah alles fadauva.”

Lukas 6:49

Avvah sellah vo heaht un dutt's nett, is vi en mann es en haus ovva uf da grund gebaut hott unni en fuddah; vo's vassah geyyich sell haus kshohva hott, is es grawt zammah kfalla un's voah alles fadauva.”

Jakobus 2:20

Du dummah mann, vitt du gvissa sei es da glawva unni verka doht is?

1. Samuel 2:30

Fasell sawkt da Hah Gott funn Israel, ‘Ich habb fashprocha es dei haus-halding un dei faddah sei haus-halding fannich miah lawfa sella fa'immah.’ Avvah nau sawkt da Hah, ‘'Sis veit funn miah; selli es mich eahra, zayl ich eahra; avvah selli es mich fa'achta zayla fa'acht vadda.