Matthäus 7:23 - Pennsylvania Dutch Bible

²³ No zayl ich grawt raus sawwa zu eena, ‘Ich vays nix funn eich, diah sindah, gaynd vekk funn miah!’”

Matthäus 7:23 Σταυροειδείς Αναφορές

Psalm 119:115

Gaynd vekk funn miah, diah gottlohsi, so es ich di gebodda funn meim Gott halda kann.

Psalm 5:5

Di braekkah daufa nett fannich dei awwa shtay, du hasht awl selli es letz doon.

Psalm 6:8

Machet eich vekk funn miah, awl diah es evil doond, fa da Hah hott mei shtimm keaht am heila.

Matthäus 25:12

Avvah eah hott ksawt, ‘Voahlich, ich sawk eich, ich kenn eich nett.’

Matthäus 25:41

No zayld eah sawwa zu selli uf sei lingsi seit, ‘Gaynd funn miah vekk, diah fafluchti leit; gaynd in's ayvich feiyah es grisht is fa da Deivel un sei engel.

Lukas 13:25

Vann da haus-faddah moll uf kshtanna is un hott di deah zu gmacht, no shtaynd diah autseit un globbet oh an di deah un sawwet, ‘Hah, mach uf fa uns.’ Avvah eah zayld andvat gevva zu eich un sawwa, ‘Ich kenn eich nett, un vays nett funn vo es diah sind.’

Lukas 13:27

Avvah eah zayld sawwa, ‘Ich sawk eich, ich kenn eich nett, un vays nett funn vo diah sind; gaynd vekk funn miah, diah vo ungerechtichkeit shaffet!’

Johannes 10:14

Ich binn da goot shohf-heedah. Ich kenn dee vo mei sinn, un si kenna mich,

2. Timotheus 2:19

Avvah di shtandhaftich mavvah funn Gott is shuah un fesht. Uf selli mavvah shtayn dee vadda: “Da Hah kend selli vo sei sinn.” Un “Alli-ebbah es da nohma funn Christus bekend, muss vekk drayya funn ungerechtichkeit.”

Di Offenbarung 22:15

Autseit sinn di hund, di hexah, dee vo huahrahrei dreiva, di doht-shlayyah, dee vo abgettah ohbayda, un awl selli es di falshheit gleicha un es leeya doon.