Matthäus 20:30 - Pennsylvania Dutch Bible

³⁰ un gukket moll, datt am vayk nohch henn zvay blindi mennah kokt. Vo si keaht henn es Jesus am fabei gay voah henn si naus gegrisha, “Davvah uns, oh Hah, du Sohn Dawfits!”

Matthäus 20:30 Σταυροειδείς Αναφορές

Psalm 146:8

Da Hah macht di blinda sayna. Da Hah haybt selli uf es nunnah gebohwa sinn, da Hah leebt di gerechta.

Jesoiya 29:18

In sellem dawk zayla di dawba di vadda heahra in en buch, un aus iahra dunkli finshtahnis zayla di blinda sayna.

Jesoiya 42:16

Ich zayl di blinda fiahra in vayya es si nett gvist henn. Ich zayl eena foah gay in pawda es nett bekand sinn zu eena. Ich zayl's dunkla hell macha fannich eena, un unayvani bletz ayva macha. Dess sinn di sacha es ich du zayl; ich zayl si nett hokka lossa.

Jesoiya 42:18

“Heichet, diah dawbi, gukket, diah blindi, un saynet!

Jesoiya 59:10

Miah langa naus fa di vand vi di blinda, miah feela unsah vayk vi selli unni awwa. Am middawk shtolbahra miah vi an dushbah, unnich di shteika, sinn miah vi dohdi.

Matthäus 13:4

Un vo eah am sayya voah is samm sohma nayvich da vayk kfalla un di fekkel henn's ufkfressa.

Matthäus 15:22

En Kanaaniddish veibsmensh funn selli nochbahshaft is raus kumma un hott gegrisha, “Oh Hah, du Sohn Dawfits, sei bamhatzich zu miah. Mei maydli is oahrich geblohkt mitt en baysah geisht in sich.”

Matthäus 20:31

Di leit henn si gezankt un henn eena ksawt fa shtill sei, avvah si henn yusht noch may naus gegrisha, “Hah, davvah uns, du Sohn Dawfits!”

Matthäus 21:14

Un di blinda un di lohma sinn zu eem kumma im tempel un eah hott si kayld.

Matthäus 21:9

Un di leit vo fannich eem heah ganga sinn un dee vo hinnich eem nohch kumma sinn henn gegrisha, “Hosanna zumm Sohn fumm Dawfit! Glohbt is deah vo kumd im nohma fumm Hah! Hosanna im haychshta!”

Matthäus 22:42

“Vass denket diah veyyich Christus? Vemm sei sohn is eah?” Si henn eem ksawt, “Em Dawfit sei sohn.”

Markus 10:46

Nau sinn si in Jericho kumma un vo Jesus deich di shtatt raus is mitt sei yingah, sinn en grohsi drubb leit mitt eem ganga. Es voah en blindah mann datt es Bartimaeus kaysa hott. Eah voah em Timaeus sei boo un hott nayvich em vayk kokt am bedla.

Lukas 4:18

“Da Geisht fumm Hah is uf miah, veil eah mich ksalbt hott un raus groofa hott fa's Effangaylium breddicha zu di oahma, un fa selli hayla mitt gebrocheni hatza. Eah hott mich kshikt fa breddicha zu dee vo kfanga sinn, es si frei sei sella; zu dee vo blind sinn, es si viddah sayna kenna; un zu dee vo nunnah gedredda sinn, es si aw frei sei sella,

Lukas 7:21

An selli zeit hott eah feel leit kayld funn iahra grankeda un iahra blohwa, un funn baysi geishtah, un hott aw feel blindi leit sayna gmacht.

Di Apostelgeschichte 2:30

Da Dawfit voah en brofayt, un hott gvist es Gott kshvoahra katt hott zu eem es deich sei nohch-kummashaft zayld eah aynah ufshtella fa en kaynich sei an sei blatz.