Matthäus 13:52 - Pennsylvania Dutch Bible

⁵² No hott eah ksawt zu eena, “Dess maynd dann es alli shrift-geleahrah es gland vatt in di sacha fumm Himmel-Reich, is vi en haus-haldah vo aldi un neiyi sacha aus seim shtoah-haus nemd.”

Matthäus 13:52 Σταυροειδείς Αναφορές

Ezra 7:10

Fa da Ezra hott's in seim hatz katt fa's Ksetz fumm Hah lanna, un's ausfiahra, un aw di leit lanna in di gebodda un adninga.

Ezra 7:21

Ich, da Kaynich Artaxerxes, gebb en gebott zu awl selli es acht gevva uf em kaynich sei geld west fumm Euphrates Revvah es si fleisich sei sella un alles gevva zumm Ezra, da preeshtah un shrift-geleahrah fumm Ksetz funn Gott im himmel, es eah eich frohkt difoah.

Ezra 7:6

Dess voah da Ezra es ruff kumma is funn Babylon. Eah voah en shrift-geleahrah un voah goot gland im Ksetz fumm Mosi es da Hah, da Gott funn Israel, gevva katt hott. Da kaynich hott eem alles gevva es eah kfrohkt hott difoah, veil di hand fumm Hah sei Gott uf eem voah.

Shpricha 11:30

Di frucht funn di gerechta is en bohm funn layva, un veah mensha sayla sammeld, hott veisheit.

Shpricha 15:7

Di leftz funn sellah es veisheit hott, shtroiya goodah roht, avvah's hatz funn di unksheida is nett so.

Shpricha 18:4

Di vadda funn en mann sei maul sinn vi deef vassah; un di vadda funn veisheit vi vassah es lawft funn en deefi shpring.

Hohches Leet 7:13

Di leeb-ebbel blumma shikka iahra goodah kshmakk naus, un alli sadda goodi frucht is um uns rumm. Fa dich habb ich awl dee alda un neiyi blesiahra ufkshtoaht, mei beleebdah.

Matthäus 12:35

En goodah mensh bringd goodi sacha aus di keshtlicha sacha es in seim hatz sinn. Un en mensh es evil is, bringd evili sacha aus di shlechta sacha es in seim hatz sinn.

Matthäus 13:51

Jesus hott si no kfrohkt, “Hend diah dess alles fashtanna?” Si henn ksawt zu eem, “Yau.”

Matthäus 13:53

Un vo Jesus dee fagleichnisa faddich gmacht katt hott is eah vekk ganga funn datt.

Matthäus 23:34

Fasell shikk ich eich brofayda, mennah mitt veisheit un shrift-geleahrah, un diah vaddet dayl funn dee greitzicha un si doht macha, un dayl zaylet diah gayshla in eiyah gmay-heisah un si fafolka funn ay shtatt biss an di annah.

Matthäus 28:19

Fasell gaynd un machet yingah in alli lendah, un dawfet si im nohma fumm Faddah, un fumm Sohn, un fumm Heilicha Geisht.

Lukas 11:49

Fasell hott Gott in sei veisheit ksawt, ‘Ich shikk eena brofayda un aposhtla, un samm funna doon si doht macha un anri fafolka.’

Johannes 13:34

Ich gebb eich en nei gebott: diah misset nannah leeva. Vi ich eich gleebt habb, so sellet diah nannah leeva.

2. Korinther 6:10

bedreebt, avvah immah fraylich, oahm, avvah am feel reich macha, es vi nix havva, un doch alles aykna.

Epheser 3:4

Vann diah sell layset, kennet diah di eisicht sayna es miah gevva voah veyyich di deefa sacha funn Christus,

Epheser 3:8

Zu miah, even da vennichsht funn awl di glawvicha, hott Gott dee gnawt gevva es ich dee unbegreiflichi reichi sacha funn Christus breddicha dauf zu di Heida,

Kolosser 1:7

Dess is vi da Epaphras eich gland hott. Eah is en beleebdah mitt-helfah un is en shtandhaftichah deenah funn Christus.

Kolosser 3:16

Losset's Vatt funn Christus in eich voona in alli veisheit, vi diah nannah lannet un famohnet mitt psaltah un lohb-leedah un geishtlich singes. Singet zumm Hah mitt gnawt in eiyah hatza.

1. Timotheus 3:6

Eah sett nett aynah sei es yusht katzlich glawvich is vadda, so es eah nett sich ufblohst un fald in di fadamnis fumm Deivel.

Titus 1:9

Eah muss es shtandhaftich Vatt fesht hayva vi's eem gland voah, so es eah anri lanna kann mitt di recht lanning, un so es eah selli vo digeyya sinn veisa kann vo si letz sinn.