Matthäus 1:12 - Pennsylvania Dutch Bible

¹² Noch demm es si vekk gnumma voahra noch Babylon, hott da Jechonia en boo katt. Sei nohma voah Sealthiel. Da Sealthiel voah em Serubabel sei daett.

Matthäus 1:12 Σταυροειδείς Αναφορές

2. Kaynicha 24:14

Eah hott gans Jerusalem vekk gedrawwa, awl di hauptmennah, di mechticha greeks-gnechta, awl di zimmah-leit un shmidda—zeyya dausend alles zammah. Yusht di oahma leit fumm land voahra ivvahrich.

2. Kaynicha 25:27

Im sivvana dreisisht yoah noch demm es da Kaynich Joiachin funn Juda vekk gnumma gvest voah, im yoah es da Evil-Merodach kaynich vadda is funn Babylon, dann hott eah da Joiachin aus em kfengnis gay glost. Dess voah uf em sivvana zvansisht dawk fumm zvelfda moonet.

1. Chronik 3:17

Di nayma fumm Jechonia sei kinnah, deah es kfanga voah, voahra Sealthiel,

Ezra 3:2

No hott em Jozadak sei boo da Jesua, mitt di anra preeshtah, un em Sealthiel sei boo da Serubabel, mitt sei leit ohkfanga em Gott funn Israel sei awldah bauwa so es si brand-opfahra druff opfahra kenna. Dess voah so vi's ufkshrivva is im Ksetz Mosi, da mann funn Gott.

Ezra 5:2

No hott em Sealthiel sei boo, da Serubabel es govvenah voah, un em Jozadak sei boo, da Jesua es preeshtah voah, di eahvet viddah ohkfanga fa's haus funn Gott in Jerusalem ivvah bauwa. Un di brofayda funn Gott voahra bei eena un henn eena kolfa.

Nehemia 12:1

Dess voahra di preeshtah un Lefiddah es zrikk kumma sinn mitt em Sealthiel sei boo, da Serubabel, un mitt em Jesua: da Seraia, da Jeremia, da Ezra,

Jeremia 22:24

“So shuah es ich layb,” sawkt da Hah, “even vann da Konia—em Kaynich Joiakim funn Juda sei boo—even vann eah en siegel-ring veah uf mei rechtsi hand, doch dayt ich dich abzeeya funn mei fingah.

Jeremia 22:28

Is deah mann Konia vadda vi en shtikk fabrocha ksha, fabrocha ksha es nimmand vill? Favass is eah un sei kinnah naus kshmissa vadda, in en annah land es si nett kenna?

Jeremia 22:30

Dess is vass da Hah sawkt: “Shreib deah mann nunnah fa kenn kinnah havva, en mann es nee nett goot du zayld sei layva lang; kens funn sei nohch-kummashaft zayld goot du; kens funn eena zayld uf em Dawfit sei kaynich-shtool hokka un Juda viddah roola.”

Jeremia 27:20

selli es da Nebukadnezar, da kaynich funn Babylon nett vekk gnumma hott vo eah da Jechonia vekk gedrawwa hott funn Jerusalem zu Babylon. Da Jechonia voah em Joiakim sei boo es aw als kaynich funn Juda voah. Awl di evvahshti funn Juda un Jerusalem voahra mitt em Jechonia zu Babylon gnumma an selli zeit.

Haggai 1:1

Im zvedda yoah fumm Kaynich Darius, im eahshta dawk fumm sexda moonet, is dess vatt fumm Hah kumma deich da brofayt Haggai zumm Serubabel, em Sealthiel sei boo, es govvenah voah funn Juda, un zumm Joshua, em Jehozadak sei boo, es da hohchen-preeshtah voah:

Haggai 1:12

No henn em Sealthiel sei boo, da Serubabel, un em Jehozadak sei boo, da Joshua es da hohchen-preeshtah voah em Hah iahra Gott keicht, un so henn awl di ivvahricha leit es zrikk kumma sinn. Si henn aw gedu vi's vatt ksawt hott es da brofayt Haggai gebrocht hott, veil da Hah iahra Gott een kshikt katt hott. Un di leit henn sich kfeicht fannich em Hah.

Haggai 1:14

So hott da Hah da geisht ufkshtatt fumm Serubabel, em Sealthiel sei boo es govvenah voah funn Juda. Da Hah hott aw da geisht ufkshtatt fumm Joshua, em Jehozadak sei boo es da hohchen-preeshtah voah un da geisht funn awl di leit es zrikk kumma sinn. Si henn ohkfanga shaffa uf em haus fumm Awlmechticha Hah, iahra Gott,

Haggai 2:2

“Shvetz zumm Serubabel, em Sealthiel sei boo es govvenah funn Juda is, zumm Joshua, em Jehozadak sei boo es hohchen-preeshtah is, un zu di leit es zrikk kumma sinn. Frohk si,

Haggai 2:23

‘Uf sellah dawk,’ sawkt da Hah, ‘zayl ich dich—mei gnecht Serubabel, em Sealthiel sei boo—uf sellah dawk zayl ich dich nemma un dich macha vi en ring es em kaynich sei vatt seald; ich habb dich groofa fa mei gnecht sei.’ So sawkt da Awlmechtich Hah.”

Matthäus 1:11

Da Josia voah em Jechonia un sei breedah iahra daett. Dess voah an di zeit vo di kinnah funn Israel kfanga gnumma sinn vadda un sinn noch Babylon gnumma vadda.

Matthäus 1:13

Da Serubabel voah em Abiud sei daett, un da Abiud voah em Eliakim sei daett. Da Eliakim voah em Asor sei daett.

Matthäus 1:17

So es voahra fatzay gleedah gvest fumm Abraham zumm Dawfit, un fumm Dawfit biss di zeit vo si vekk gnumma sinn vadda noch Babylon voahra fatzay gleedah gvest. Un aw funn di zeit es si vekk gnumma sinn vadda noch Babylon zu Christus voahra fatzay gleedah gvest.

Lukas 3:27

un eah voah em Johanan sei boo, un eah voah em Resia sei boo, un eah voah em Serubabel sei boo, un eah voah em Sealthiel sei boo, un eah voah em Neri sei boo,