Lukas 17:14 - Pennsylvania Dutch Bible

¹⁴ Vo eah si ksenna hott, hott eah ksawt zu eena, “Gaynd un veiset eich zu di preeshtah.” Un vi si am gay voahra, sinn si kayld vadda.

Lukas 17:14 Σταυροειδείς Αναφορές

2. Kaynicha 5:14

No is eah nunnah ganga un hott sich sivva mohl unnich's vassah fumm Jordan Revvah gedu, so vi da mann funn Gott eem ksawt katt hott. No voah sei flaysh kayld un voah vi's flaysh funn en glay kind. Un eah voah rein.

Jesoiya 65:24

Eb si roofa, gebb ich andvat, diveil es si am shvetza sinn, heahrich si.

Matthäus 3:15

Jesus hott no ksawt, “Loss es so sei fa nau. Es is shiklich es miah alli gerechtichkeit folfilla.” No hott da Johannes eem's zu glost.

Lukas 5:14

Jesus hott eem no ksawt es eah soll nimmand dess sawwa, avvah eah hott ksawt, “Gay un veis dich zumm preeshtah, un du vi da Mosi gebodda hott: mach en opfah veil du greinicht bisht, un fa en zeiknis zu di leit.”

Johannes 11:10

Avvah vann ebbah lawft in di nacht, shtolbaht eah veil kenn licht in eem is.”

Johannes 2:5

No hott sei maemm ksawt zu di shaff-leit, “Doond vass eah eich sawkt.”

Johannes 9:7

un hott ksawt zu eem, “Gay un vesh dich im vassah-loch, Siloah” (sell vatt maynd Kshikt). No is eah ganga un hott sich gvesha un vo eah zrikk kumma is hott eah sayna kenna.