Lukas 16:9 - Pennsylvania Dutch Bible

⁹ Un ich sawk eich, yooset eiyah veldlichi sacha fa eich freind macha, so es vann diah moll hinna veddah sind, no nemma si eich nei in ayvichi haymeda.

Lukas 16:9 Σταυροειδείς Αναφορές

Psalm 73:26

Mei leib un mei hatz mechta shvach vadda, avvah Gott is di graft funn meim hatz un mei dayl fa'immah.

Shpricha 14:24

Da krohn funn selli mitt veisheit is iahra reichheit, avvah di dumheit fiaht yusht zu noch may dumheit.

Shpricha 19:17

Sellah es bamhatzich is zu di oahma, is am layna zumm Hah, un eah zayld een zrikk betzawla fa vass eah gedu hott.

Shpricha 23:5

Vann du dei awwa uf reichheit setsht, uf aymol is es fatt, fa's grikt geviss flikkel, un fleekt noch em himmel vi en awdlah.

Breddichah 11:1

Shmeis dei broht uf's vassah fumm say, un feel dawk shpaydah findsht du's viddah.

Jesoiya 57:16

Ich zayl nett immah pshuldicha, un aw nett immah zannich sei, veil iahra geisht matt vadda dayt fannich miah, un aw da ohften im mann es ich gmacht habb.

Daniel 4:27

Fasell, oh kaynich, nemm mei roht oh: Heah uf sindicha un du vass recht is; shtobb dei ungerechtichkeit un sei bamhatzich zu di nunnah-gedreddana. No fleicht hald's oh diah goot gay.”

Matthäus 19:21

Jesus hott ksawt zu eem, “Vann du folkumma sei vitt, gay un fakawf vass du hosht un gebb's zu di oahma, un du zaylsht reich sei im Himmel. No kumm un folk miah nohch.”

Matthäus 6:19

“Doond nett nadiahlichi sacha samla fa eich selvaht do uf di eaht. Di shawva un da rosht doon's fadauva, un di deeb doon nei brecha un's shtayla.

Matthäus 6:24

Nimmand kann zvay meishtah deena. Endveddah dutt eah da aynd hassa un da annah leeva, adda dutt eah demm aynda nohch gay un da annah fa'achta. Du kansht nett Gott un nadiahlichi sacha deena.”

Lukas 11:41

Avvah gevvet almohsa deich dess vass inseit aus em hatz raus kumd, no is alles sauvah fa eich.

Lukas 12:33

Fakawfet eiyah sacha un gevvet almohsa; machet eich geld-sekk es nett ald vadda, un samlet keshtlichi sacha fumm Himmel vo nett shlecht gayn, vo kenn deeb's shtayla kann un di shawva's nett fressa kenna.

Lukas 14:14

un no vasht du ksaykend veil si dich nett zrikk betzawla kenna. Du vasht betzawld an di uffashtayung funn di gerechta.”

Lukas 16:11

Vann du nett shtandhaftich voahsht mitt veldlich geld, veah draut diah mitt ayvichi reichheit?

Lukas 16:13

Kenn gnecht kann zvay meishtah deena. Endveddah hast eah da aynd un leebt da annah, adda eah shtikt zumm aynda un gukt nunnah uf da annah. Du kansht nett Gott un aw geld deena.”

Lukas 16:4

Ich vays vass ich du so es di leit mich in iahra heisah nei nemma vann ich moll kenn eahvet may habb.’

Di Apostelgeschichte 10:31

Un deah mann hott ksawt, ‘Kornelius, dei gebayt is keaht vadda. Un Gott hott acht katt vi du di oahmi leit helfa dusht.

Di Apostelgeschichte 10:4

Un vi eah een ohgegukt hott is eah fashrokka, un hott kfrohkt, “Hah, vass is dess?” Un da engel hott ksawt zu eem, “Dei gebaydah un almohsa sinn ruff kumma zu Gott, es en ohdenkes fannich eem.

2. Korinther 4:17

Fa unsah dreebsawl vo leicht un katz is, shaft aus fa uns en ayvichi un en vichtichi hallichkeit.

Judas 1:21

haldet eich in di leevi funn Gott, un voahdet uf di bamhatzichkeit funn unsah Hah Jesus Christus zu ayvich layva.