Lukas 16:23 - Pennsylvania Dutch Bible

²³ In di hell voah eah am leida un deich macha, un eah hott nuff gegukt un hott da Abraham funn veit ab ksenna, un da Lazarus voah in sei shohs.

Lukas 16:23 Σταυροειδείς Αναφορές

Psalm 16:10

Fa du zaylsht mich nett ivvah-gevva zu di veld funn di dohda, adda dei Heilichah fazeahra lossa.

Psalm 49:15

Avvah Gott kawft mei sayl frei funn di gvald fumm grawb, fa eah nemd mich zu sich selvaht. (Sela)

Psalm 86:13

Dei shtandhaftichi-leevi geyyich miah is grohs, un du hosht mei sayl aus em deefa grawb kalda.

Psalm 9:17

Di gottlohsa zayla in's grawb gay, un so doon awl di leit es Gott fagessa.

Shpricha 15:24

Da vayk funn layva fiaht nuff-zuss fa selli mitt veisheit, so es si nett nunnah in's grawb gayn.

Shpricha 5:5

Iahra fees gayn nunnah zumm doht, un iahra foos-dredda gayn grawt an's grawb.

Shpricha 7:27

Iahra haus is da vayk zumm grawb, un's fiaht nunnah zumm doht.

Shpricha 9:18

Avvah leit vissa nett es alli-ebbah um kumd es zu iahra gayt, un es selli es see psucha shund im deefa grawb sinn.

Jesoiya 14:15

Avvah du zaylsht runnah kshmissa sei in di hell, runnah in's deefsht grawb.

Jesoiya 14:9

Es grawb unna drunnah is uf kshtatt, am voahra fa dich ohdreffa vann du moll kumsht. Es risht di geishta funn di dohda, selli vo di evvahshti funn di eaht voahra. Es macht si uf shtay funn iahra kaynich-shteel, awl selli es kaynicha funn di heida voahra.

Matthäus 11:23

Un du shtatt funn Kapernaum, vo uf kohva is biss an da Himmel, du zaylsht nunnah kshmissa vadda in di hell. Vann dee vundahboahri sacha gedu gvest veahra in Sodom es gedu voahra in diah, dann dayt di shtatt funn Sodom noch shtay.

Matthäus 18:9

Un vann dei awk di shuld is es du sindicha dusht, reis es raus un shmeis es vekk funn diah. Es is bessah es du in's layva gaysht mitt aym awk es vi in's hell-feiyah kshmissa vasht mitt zvay awwa.”

Matthäus 23:33

Diah shlanga, un kinnah funn shlanga! Vi vellet diah eich aus di fadamnis funn di hell halda?

Matthäus 5:22

Avvah ich sawk eich; ennich ebbah es bays vatt ivvah sei broodah, eah is es gericht shuldich. Un ennich ebbah es sawkt zu sei broodah, ‘Racha,’ is shuldich fa fannich di Council gebrocht sei. Un ennich ebbah es ebbah shunsht naddish hayst, is shuldich fa in's feiyah funn hell gedu sei.

Matthäus 5:29

Vann dei rechts awk di shuld is es du in sinda kumsht, dann reis es raus un shmeis es vekk. Es is bessah es ay shtikk funn dei leib faloahra gayt es vi dei gans leib in di hell kshmissa vatt.

Matthäus 8:29

Dee henn laut gegrisha un henn ksawt, “Jesus, du Sohn Gottes, vass henn miah zu du mitt diah? Bisht du kumma uns blohwa eb's zeit is?”

Lukas 16:24

No hott eah naus gegrisha, ‘Faddah Abraham, sei bamhatzich zu miah, un shikk da Lazarus fa sei fingah bisli in's vassah dunka fa mei zung abkeela; veil ich am oahrich leida binn in demm flamm.’

Lukas 16:28

Ich habb fimf breedah. Ich vill havva es eah si vand, so es si nett aw in deah shreklich gvayl-blatz kumma.’

Lukas 8:28

Vo eah Jesus ksenna hott, hott eah naus gegrisha, is fannich een nunnah kfalla, un hott ksawt mitt en laudi shtimm, “Vass hosht du zu du mitt miah, Jesus du Sohn Gottes fumm Alli-Haychshta? Ich hald oh bei diah es du mich nett gvaylsht un leida machsht.”

1. Korinther 15:55

“Doht, vo is dei shtechah? Hell, vo is dei macht fa ivvah-hand nemma?”

2. Petrus 2:4

Vann Gott nett kalda hott funn di engel shtrohfa vo si ksindicht henn, avvah hott si in di hell kshtohsa, un datt sinn si gebunna mitt kedda in di finshtahnis am voahra biss si gricht vadda;

Di Offenbarung 20:10

Un da Deivel, deah vo si fafiaht hott, voah in da say funn feiyah un shvevvel kshmissa, vo's leshtah-diah un da falsh brofayt voahra. Un datt vadda si kshtrohft dawk un nacht fa immah un immah.