Lukas 12:19 - Pennsylvania Dutch Bible

¹⁹ Un ich sawk no zu mei sayl, Leevi Sayl, du hosht genunk sach zammah ksammeld fa en mannich yoah; nau nemm's easy; ess, drink un sei fraylich.’

Lukas 12:19 Σταυροειδείς Αναφορές

Hiob 14:1

“Da mensh es geboahra is funn en veibsmensh laybt en katzi zeit un is foll unroo.

Psalm 49:18

Even vann eah sich froit fa sei goot layva do, un leit preisa een vann eah goot dutt fa sich selvaht,

Psalm 62:10

Falosset eich nett uf rawves, un doond eiyah fadrauwa nett in kshtohla shtoft. Vann diah reich vaddet, setzet eiyah hatza nett uf sell.

Shpricha 10:2

Shtoft es uneahlich grikt voah dutt diah kenn goot, avvah gerechtichkeit hald dich aus di kfoah fumm doht.

Shpricha 14:24

Da krohn funn selli mitt veisheit is iahra reichheit, avvah di dumheit fiaht yusht zu noch may dumheit.

Shpricha 18:11

Es geld fumm reicha is sei shteiki shtatt, eah maynd's is en hohchi vand es een aus di kfoah hald.

Shpricha 23:5

Vann du dei awwa uf reichheit setsht, uf aymol is es fatt, fa's grikt geviss flikkel, un fleekt noch em himmel vi en awdlah.

Shpricha 27:1

Braekk nett veyyich vass du du zaylsht meiya, fa du vaysht nett vass en dawk foah bringd.

Breddichah 11:9

Sei fraylich, yungah mann, diveil es du yung bisht; loss dei hatz dich froh macha diveil es du yung bisht. Du vass glushtich is zu deim hatz, un vass-evvah es dei awwa sayna, avvah fagess nett es Gott dich richta zayld fa awl dess.

Breddichah 2:24

Es besht ding es en mann du kann is fa essa un drinka un fa blesiah nemma in sei eahvet. Ich habb auskfunna es dee sacha funn Gott sei hand kumma,

Jesoiya 22:13

Avvah in blatz funn sell sind diah fraylich un am en goodi zeit havva, diah sind am kee un shohf shlachta, am flaysh essa un vei drinka. Diah sawwet, “Vella essa un drinka, fa meiya mechta miah shtauva!”

Jesoiya 5:11

Vay zu selli es free meiyets uf shtayn, so es si saufes nohch gay kenna, selli es shpoht uf bleiva ohvets, biss si ksoffa sinn mitt vei.

Jesoiya 5:8

Vay zu selli es heisah noch heisah kawfa, un feldah noch feldah, biss kenn blatz may ivvahrich is, un si voona laynich im land.

Jesoiya 56:12

Yaydahs funn eena greisht, “Kummet, vella vei greeya! Vella uns foll saufa! Meiya zayld sei vi heit, adda even bessah.”

Hosea 12:8

Da Ephraim braekt, “Ich binn reich, ich habb feel geld; mitt awl mei geld kann nimmand mich pshuldicha es ich ksindicht habb.”

Amos 6:13

Diah froiyet eich veil diah di shtatt Lo-Debar ivvah-gnumma hend, un sawwet, “Henn miah nett selvaht di shtatt Karnaim ivvah-gnumma?”

Habakuk 1:16

Fasell macha si en opfah zu iahra net; si brenna insens zu iahra net, veil si reichlich layva deich iahra net, un essa's besht ess-sach.

Lukas 12:18

No hott eah ksawt, ‘Ich vays vass, ich reis mei sheiyahra nunnah un bau graysahri, no havvich blatz fa awl mei frucht un mei sacha shtoahra.

Lukas 16:19

“Es voah moll en reichah mann es feini, purpeli glaydah gvoahra hott vo gmacht voahra aus fei duch. Eah hott alli dawk grohsi essa gmacht un hott reichlich glaybt.

Lukas 21:34

Diah sellet avvah acht gevva, es diah nett ufgnomma vaddet mitt fressa un saufahrei, un mitt di sacha funn dee veld, so es eiyah hatza unbekimmaht vadda, un sellah dawk unfahoft uf eich kumd.

1. Korinther 15:32

Vann ich kfochta habb mitt vildi diahra in Ephesus yusht fa menshlichi uahsacha, vass goot dutt sell miah? Vann di dohda nett uf shtayn, “Losset uns essa un drinka, fa meiya sinn miah doht.”

Philipper 3:19

Iahra end is di fadamnis, iahra bauch is iahra Gott, un iahra hallichkeit is in iahrem shohm. Iahra gedanka sinn uf veldlichi sacha.

1. Timotheus 5:6

Avvah ayni es laybt fa blesiah is doht diveil es see am layva is.

1. Timotheus 6:17

Lann selli vo reich sinn in deahra veld fa nett grohs-feelich sei, un fa iahra hofning nett in dee fagenglichi reichheit du, avvah in Gott, deah vo uns reichlich alles gebt fa unsah blesiah.

2. Timotheus 3:4

Si kenna nett gedraut sei, sinn foah-vitzich, ufgeblohsa un gleicha blesiah may es Gott.

Jakobus 5:5

Diah hend uf di eaht glaybt in blesiah un sind eiyahm falusht nohch ganga. Diah hend eiyah hatza fett gmacht es vi im shlacht-dawk.

1. Petrus 4:3

Fa miah henn lang genunk glaybt noch em villa funn di Heida vo miah gloffa sinn in unfashtand, lusht, saufahrei, fressahrei, vei-feshta un in grauslichi abgettahrei.

Di Offenbarung 18:7

Gevvet iahra so feel shmatza un druvvel zrikk es see sich selvaht hallichkeit un lushtheit gevva katt hott. In iahra hatz braekt see, ‘Ich binn en kaynich-fraw; ich binn kenn vitt-fraw un zayl nee nett dreebsawl sayna.’

1. Samuel 30:16

Eah hott si no nunnah gnumma. Un datt voahra si ausnannah kshtroit ivvah's gans land am essa un drinka un dansa, veil si so feel sach katt henn es si gnumma henn fumm land funn di Philishtah un fumm land funn Juda.