Lukas 1:48 - Pennsylvania Dutch Bible

⁴⁸ Fa eah hott acht katt fa di daymeedichkeit funn seinra mawt, un heichet, funn nau on zayla di leit mich ksaykend haysa.

Lukas 1:48 Σταυροειδείς Αναφορές

1. Mosi 30:13

No hott di Lea ksawt, “Ich binn fraylich, un di veibsleit zayla mich ksaykend haysa.” No hott see een Asser kaysa.

2. Samuel 7:8

So nau sawk meim gnecht da Dawfit, ‘Dess is vass da Awlmechtich Hah sawkt: Ich habb dich gnumma funn di shohf in di vayt-feldah un habb dich roolah gmacht ivvah mei leit Israel.

Psalm 102:17

Eah heicht di gebaydah ab funn di falossana; eah fa'acht iahra gebayt nett.

Psalm 136:23

deah es uns nett fagessa hott vo miah nunnah gedredda voahra, fa sei shtandhaftichi-leevi bleibt ayvichlich;

Psalm 138:6

Even vann da Hah hohch is, gukt eah alsnoch aus fa di niddahra, avvah di shtolsa kend eah funn veit ab.

Psalm 72:17

Loss sei nohma sei fa'immah, loss sei nohma shtay so lang es di sunn sheind. Deich een sella awl di heida ksaykend sei, un si zayla een preisa.

Jesoiya 66:2

Hott nett mei hand awl dee sacha gmacht, un gmacht es si do sinn?” sawkt da Hah. “Avvah dess is da mensh es ich ditzu gukk, sellah es daymeedich is mitt en gebrocha hatz, un es en furcht hott fa mei vatt.

Maleachi 3:12

“No sawwa awl di heida es diah sind ksaykend, veil diah in so en fruchtboah land sind,” sawkt da Awlmechtich Hah.

Lukas 1:28

Da engel is zu iahra kumma un hott ksawt, “Ich grees dich vo hohch ohksenna is, un vo ksaykend is unnich veibsleit. Da Hah is mitt diah.”

Lukas 1:42

Un see hott ksawt mitt en laudi shtimm, “Ksaykend bisht du unnich alli veibsleit, un ksaykend is di frucht funn deim leib.

Lukas 1:45

Ksaykend is see vo geglawbt hott es dess vass da Hah ksawt hott zu iahra folfild vadda soll.”

Lukas 1:49

Fa deah vo mechtich is hott grohsi sacha gedu fa mich, un sei nohma is Heilich.

Lukas 11:27

Un vi eah am dess sawwa voah, hott en veibsmensh in di drubb leit laut kshvetzt un hott ksawt zu eem, “Ksaykend is es leib vo dich gedrawwa hott, un di brusht vo du ksukkeld hosht!”

1. Samuel 1:11

See hott fashprocha un hott ksawt, “Oh Almechtichah Hah, vann du yusht uf dei mawt iahra dreebsawl guksht, un mich in meind haldsht, un dei mawt nett fagesht, avvah gebsht dei mawt en boo, dann gebb ich een zumm Hah awl sei layva lang, un's soll nee kenn shayf-messah gyoost sei uf seim kobb.”

1. Samuel 2:8

Eah haybt di oahma aus em shtawb, eah haybt selli mitt noht aus em esh-haufa; eah macht si hokka unnich di evvahshta, un macht si en kaynich-shtool eahva mitt grohsi eah. Fa di poshta funn di eaht heahra zumm Hah, eah hott di veld uf si ksetzt.