Joshua 8:20 - Pennsylvania Dutch Bible

²⁰ Vo di mennah funn Ai zrikk gegukt henn, henn si da shmohk funn di shtatt ksenna nuff noch em himmel gay. Avvah si henn kenn blatz katt fa hee gay, veil di mennah funn Israel es am funn eena vekk shpringa voahra sich nau rumm gedrayt henn un sinn uf si lohs ganga.

Joshua 8:20 Σταυροειδείς Αναφορές

1. Mosi 19:28

No hott eah nunnah geyyich Sodom un Gomorra un geyyich awl's land funn di valley gegukt. Un eah hott dikkah shmohk ksenna ruff gay fumm land vi shmohk funn en offa.

Hiob 11:20

Avvah di awwa funn di gottlohsa gukka unni's fashtay, si kenna nett lohs glost sei; iahra letshti hofning is yusht fa iahra letshtah ohften shnaufa.”

Psalm 76:5

Di shtaut-hatzicha greeks-gnechta sinn grawbt vadda; si sinn in da shlohf funn di dohda kfalla, un kens funn di greeks-gnechta kann sei hend uf hayva.

Jesoiya 34:10

Es zayld nett ausgmacht vadda dawk adda nacht, da shmohk gayt in di hay fa'immah. Es land zayld leah leiya layves-zeit noch layves-zeit, un nimmand zayld may datt deich gay.

Joshua 8:19

So kshvind es eah dess gedu hott, sinn di leit es sich fashtekkeld katt henn kshvind aus iahra blatz kumma un sinn fassich kshprunga. Si sinn in di shtatt nei, henn si ivvah-gnumma, un henn di shtatt ohkshtekt mitt feiyah.

Joshua 8:21

Da Joshua un gans Israel henn ksenna es di shtatt ivvah-gnumma voah bei di mennah es sich fashtekkeld katt henn, un si henn da shmohk funn di shtatt ksenna nuff gay. No henn si sich rumm gedrayt un henn di mennah funn Ai doht gmacht.

Di Offenbarung 18:9

Di kaynicha funn di eaht vo huahrahrei gedrivva henn mitt iahra un en dayl katt henn in iahra lushtboah layva, zayla da shmohk sayna funn iahra am ufbrenna. No doon si veina un heila ivvah see.

Di Offenbarung 19:3

No henn si viddah gegrisha, “Halleluja! Da shmohk funn iahra gayt nuff fa immah un immah.”

Richtah 20:38

Di mennah funn Israel henn ausgmacht katt mitt di mennah es sich fashtekkeld katt henn, es si sedda en grohsi volk shmohk nuff shikka funn di shtatt,

Richtah 20:40

Avvah vo di shmohk-volk ruff aus di shtatt kumma is, henn di mennah funn Benjamin sich rumm gedrayt un henn da shmohk funn di gans shtatt ksenna am nuff in da himmel gay.

Richtah 20:41

No sinn di Israeliddah rumm gedrayt un henn ohkfanga fechta. Di mennah funn Benjamin voahra fagelshtaht, veil si nau gvist henn es ebbes shrekliches uf si kumma zayld.