Joshua 7:24 - Pennsylvania Dutch Bible

²⁴ No hott da Joshua un gans Israel mitt eem, em Serah sei boo da Achan, naus an's deich funn Achor gebrocht. Si henn aw's silvah, da ivvah-rokk, 's gold, sei boova un mayt, sei oxa, aysla, shohf, tent un alles es zu eem keaht hott raus mitt eem gebrocht.

Joshua 7:24 Σταυροειδείς Αναφορές

1. Mosi 18:25

'Sis goah nett vi dich fa so en ding du—fa di gerechti umbringa mitt di ungerechta, es vann di gerechta un di ungerechta gleicha veahra. Dess is goah nett vi dich! Sett nett da Richtah funn di gans veld du vass recht is?”

Hiob 20:15

Eah shpautzt sei reichheit raus es eah kshlukt hott, Gott macht een si ruff bringa aus seim mawwa.

2. Mosi 20:5

Du solsht dich nett nunnah bikka zu eena adda si deena, fa ich, da Hah dei Gott, binn en Gott es jealous is, un ich shtrohf di kinnah fa di sinda funn iahra feddah biss di dritt adda fiaht sett nohch-kummashaft funn selli es mich hassa.

Shpricha 15:27

Sellah es greedich is macht druvvel fa sei haus-hohld, avvah sellah es uneahlichi kshenkah hast zayld layva.

Breddichah 5:13

Do is en veesht ding es ich ksenna habb unnich di sunn: en reichah mann am sei shtoft hayva zu sei ayknah shawda,

Jesoiya 65:10

Sharon zayld en vayt-land vadda fa shohf-drubba, un di valley funn Achor en blatz vo's fee root, fa mei leit es mich sucha.

Hosea 2:15

Ich gebb iahra vei-goahra zrikk zu iahra, un mach di Valley funn Achor en doah funn hofning. See zayld singa vi in iahra yungi dawwa, so vi im dawk es see ruff aus Egypta kumma is.

Joshua 15:7

Di lein in di natt is fumm deich funn Achor ganga zu Debir un is nadda gedrayt zu Gilgal. Gilgal is nayksht am vayk es deich di hivla funn Adummim gayt uf di saut seit fumm deich. Di lein is no on an di vassahra funn En-Semes nohch ganga un hott kshtobt an En-Rogel.

Joshua 22:20

Hend diah fagessa veyyich di sind fumm Achan, em Serah sei boo, vi eah's nett gedu hott fa's gebott halda veyyich em sach es fabodda voah? Gans Israel voah kshtrohft fa sell. Da Achan voah nett da aynsisht es doht gmacht voah fa sei sind.’”

Joshua 6:18

Avvah haldet eich vekk funn di sacha es fabodda sinn, so es diah selvaht nett umkummet veil diah dess es fabodda is gnumma hend. Diah daydet aw fadamnis uf's gans folk Israel bringa un druvvel uf si bringa.

Joshua 6:21

Si henn alles doht gmacht mitt em shvatt in di gans shtatt—mansleit, veibsleit, yung un ald, oxa, shohf un aysla.

Joshua 7:1

Avvah di Kinnah-Israel voahra nett eahlich mitt em sach es fabodda voah. Da Achan, da sohn fumm Charmis, da sohn fumm Sabdis, da sohn fumm Serah, funn di shtamm funn Juda hott sacha gnumma es fabodda voahra. Fasell hott em Hah sei zann gebrend geyyich di Kinnah-Israel.

Joshua 7:23

Si henn's no aus em tent gnumma un henn's zumm Joshua un di Kinnah-Israel gebrocht. Si henn's alles ausglaykt fannich em Hah.

Joshua 7:26

Si henn no en grohsah haufa shtay ivvah da Achan gepeild un sellah haufa is noch datt heit. Fasell is da nohma funn sellem blatz es Deich funn Achor kaysa biss deah dawk. No voah em Hah sei heslichah zann ivvah.