Joshua 24:20 - Pennsylvania Dutch Bible

²⁰ Da Hah voah goot zu eich difoah, avvah vann diah da Hah falosset un fremdi gettah deenet, dann shtrohft eah eich biss nix may ivvahrich is funn eich.”

Joshua 24:20 Σταυροειδείς Αναφορές

1. Chronik 28:8

Nau fannich di awwa funn gans Israel, em Hah sei fasamling un di oahra funn unsah Gott, seind fleisich fa em Hah eiyah Gott sei gebodda sucha un halda, so es diah's goot land ivvah-nemma kennet, un's no ivvah-gevva kennet zu eiyah kinnah fa en ayvichi eahbshaft.

1. Chronik 28:9

Un du, mei boo Solomon, lann da Gott funn dei faddah kenna un deen een mitt dei gans hatz un mitt en villichi sayl. Fa da Hah sucht di hatza aus, un fashtayt alles es di gedanka im sinn henn. Vann du een suchsht, zaylsht du een finna; avvah vann du een falosht, dann shtohst eah dich vekk fa'immah.

2. Chronik 15:2

Eah is naus ganga fa da Asa ohdreffa un hott ksawt zu eem, “Asa un gans Juda un Benjamin, heichet miah ab. Da Hah is mitt eich vann diah mitt eem sind. Vann diah een suchet, zaylet diah een finna, avvah vann diah een falosset, dann falost eah eich.

Ezra 8:22

Ich habb mich kshemd da kaynich frohwa fa greeks-gnechta un geil-reidah fa uns aus di kfoah halda funn unsah feinda uf em vayk, veil miah ksawt katt henn zumm kaynich, “Di gnaydich hand funn unsah Gott is uf awl selli es een sucha, avvah sei shteikah zann is geyyich awl selli es een falossa.”

Psalm 89:31

vann si mei adnunga brecha, un doon mei gebodda nett halda,

Jesoiya 1:28

Avvah di ivvah-dreddah un sindah vadda famawla, un selli es da Hah falossa vadda umgebrocht.

Jesoiya 63:10

Avvah si henn sich kshteibaht un henn sei Heilichah Geisht bedreebt. So hott eah sich gedrayt un is iahra feind vadda, un hott geyyich si kfochta.

Jeremia 17:13

Oh Hah, du bisht di hofning funn Israel, awl selli es dich falossa, missa sich shemma. Selli es vekk drayya funn diah, greeya iahra nohma in da shtawb kshrivva, veil si da Hah falossa henn, deah es di shpring funn ayvich vassah is.

Ezekiel 18:24

Vann en gerechtah mann vekk drayt funn sei gerechtichkeit un sindicht un dutt di sayma ungettlicha sacha es da gottlohs mann dutt, zayld eah no layva? Awl di gerechta sacha es eah gedu hott zayla fagessa sei. Fa sei ivvah-dreddes un di sind es eah gedu hott, fa selli muss eah shtauva.

Di Apostelgeschichte 7:42

No hott Gott sich vekk gedrayt un hott si ivvah-gevva fa di sunn, da moon un di shtanna deena, so vi's kshrivva is im buch funn di brofayda, ‘Oh diah leit funn Israel, hend diah fa fatzich yoah fee un opfah gopfaht zu miah in di vildahnis?

5. Mosi 4:25

Vann diah moll kinnah un kinds-kinnah hend im land un hend en langi zeit im land gvoond, un doond no sindicha bei en gleichnis-bild macha funn ennich ebbes, so es diah evil doond fannich em Hah eiyah Gott un machet een bays—

5. Mosi 4:26

ich roof himmel un eaht fa zeiknis sei geyyich eich heit, es diah kshvind umkumma zaylet un aus em land gebutzt sei zaylet—dess land es diah am nei gay sind ivvah em Jordan fa's ivvah-nemma. Diah zaylet nett lang datt layva, avvah zaylet awl umkumma.

Hebräer 10:38

Da gerecht zayld layva beim glawva. Veah avvah zrikk zeekt, in demm hott mei sayl kenn kfalla.”

Joshua 24:21

Avvah di leit henn ksawt zumm Joshua, “Nay! Miah zayla da Hah deena.”

1. Samuel 12:15

Avvah vann diah nett abheichet zumm Hah sei shtimm, avvah gaynd geyyich di gebodda fumm Hah, dann zayld di hand fumm Hah geyyich eich sei, grawt vi si voah geyyich eiyah foah-feddah.

1. Samuel 12:25

Avvah vann diah ohhaldet gottlohsi sacha du, dann zaylet diah un eiyah kaynich faloahra sei.”