Joshua 22:32 - Pennsylvania Dutch Bible

³² Da Pinehas, da sohn fumm preeshtah Eleasar, un di foah-gengah sinn no zrikk in Kanaan ganga. Si henn di Kinnah-Israel fazayld vass ksawt voah in iahra fasamling mitt di kinnah fumm Ruben un Gad im land Gilead.

Joshua 22:32 Σταυροειδείς Αναφορές

Shpricha 25:13

Vi di keld funn shnay an di zeit funn di eahn, so is en shtandhaftichah gebodda-drawwah zu selli es een shikka; eah fashteikt di sayl funn sei meishtahra.

Joshua 22:31

No hott da Pinehas, da sohn fumm preeshtah Eleasar, ksawt zu di kinnah fumm Ruben, Gad un Manasse, “Nau vissa miah es da Hah bei uns is. Diah hend eich nett geyyich da Hah kshteld, un diah hend di Kinnah-Israel kalda fumm Hah sei shtrohf.”

Joshua 22:33

Di Kinnah-Israel voahra froh fa dess heahra un henn Gott glohbt. Si henn nimmi may kshvetzt veyyich greek macha mitt di kinnah fumm Ruben un Gad fa iahra land fasauwa.