Joshua 22:22 - Pennsylvania Dutch Bible

²² “Da Awlmechtich Gott is da Hah! Da Awlmechtich Gott is da Hah! Eah vayst favass es miah dess gedu henn, un miah vella havva es Israel's aw vayst. Vann miah uns geyyich da Hah kshteld henn un en unglawvich ding gedu henn geyyich een, dann losset uns nimmi lengah layva heit.

Joshua 22:22 Σταυροειδείς Αναφορές

1. Kaynicha 8:39

no heich ab funn deim voon-blatz im himmel. Fagebb un shaff, un gebb zu yaydah mensh so vi eah gedu hott, veil du vaysht vass in seim hatz is, fa du laynich vaysht vass in di hatza funn awl di kinnah funn mensha is.

Hiob 10:7

Du vaysht es ich nett shuldich binn, un es nimmand mich aus dei hand nemma kann.

Hiob 23:10

Avvah eah vayst da vayk es ich gay; vann eah mich moll broviaht hott, dann kumm ich raus vi pyuah gold.

Hiob 31:22

dann loss ebbah mei oahm fabrecha, loss en aus em shuldah grissa sei.

Psalm 136:2

Danket da Gott funn awl di gettah, fa sei shtandhaftichi-leevi bleibt ayvichlich.

Psalm 37:6

Eah macht dei gerechtichkeit sheina vi en licht, un dei gericht vi di middawk sunn.

Psalm 40:9

Ich habb gerechtichkeit gebreddicht in di grohs fasamling. Gukk moll, ich hald mei maul nett zu, un dess vaysht du, oh Hah.

Psalm 44:21

dayt Gott dess nett ausfinna? Fa eah vayst alles es im hatz is.

Psalm 44:22

Avvah fa dich sinn miah alli dawk in di kfoah funn doht gmacht sei; miah sinn gnumma vi shohf fa kshlacht sei.

Psalm 50:1

Da Awlmechtich Gott, da Hah, shvetzt, un rooft di eaht, fumm blatz es di sunn ufkumd, biss an da blatz es si unnah gayt.

Psalm 82:1

Gott nemd sei blatz in di grohs fasamling, un is richtah unnich di gettah.

Psalm 95:3

Fa da Hah is en grohsah Gott, da grohs Kaynich ovvich awl di gettah.

Psalm 97:7

Awl selli es abgettah deena vadda fashohmd, selli es braekka veyyich iahra abgettah; baydet een oh, awl diah gettah!

2. Mosi 18:11

Nau vays ich es da Hah graysah is es awl di gettah, fa eah hott sich shteikah gvissa vo di Egyptah in iahra hohchmoot, Israel letz gyoost henn.”

Jeremia 12:3

Doch, du kensht mich, oh Hah; du saynsht mich un broviahsht di gedanka in meim hatz veyyich diah. Shlayf si vekk vi shohf es gebutshaht vadda! Setz si raus fa da shlacht-dawk!

Jeremia 17:10

“Ich, da Hah, gukk in's hatz un broviah di gedanka; ich gebb em mann vass zu eem heaht, bei vi eah laybt un vass eah dutt.”

Daniel 11:36

Da kaynich zayld grawt du vi eah vill. Eah zayld sich ufblohsa un sich hohch ovvich alli gott setza. Eah zayld heslichi sacha sawwa geyyich da Gott funn alli gettah. Es zayld eem goot gay biss an di zeit es da zann faddich gmacht is. Sell vass ausksetzt is muss blatz nemma.

Daniel 2:47

Da kaynich hott ksawt zumm Daniel, “Dei Gott is geviss da Gott funn awl di gettah un da Hah funn awl di kaynicha. Un eah macht awl di fashtekkelda sacha gvissa, veil du dess fashtekkeld ding veisa hosht kenna.”

Micha 7:9

Ich zayl em Hah sei zann drawwa veil ich ksindicht habb geyyich een. Ich drawk sei zann biss eah mei sach ausfiaht, un miah mei recht ausshaft. Eah zayld mich raus in di helling bringa, un ich zayl sei gerechtichkeit sayna.

Maleachi 3:18

Diah zaylet no viddah sayna vass fa en unnahshitt es es is zvishich di gerechta un ungerechta, zvishich selli es Gott deena un selli es nett doon.”

Johannes 21:17

No hott eah's dritt mohl ksawt zu eem, “Simon, em Johannes sei boo, dusht du mich leeva?” Da Petrus voah bedreebt veil eah een's dritt mohl kfrohkt hott, “Dusht du mich leeva?” No hott eah ksawt zu Jesus, “Hah, du vaysht alles; du vaysht es ich dich leeva du.” Jesus hott ksawt zu eem, “Feedah mei shohf.

Di Apostelgeschichte 1:24

Si henn gebayda un ksawt, “Hah, du vaysht vass in di hatza is funn awl mensha. Veis uns vels funn dee zvay es du raus glaysa hosht,

Di Apostelgeschichte 25:11

Vann ich letz gedu habb, adda ebbes gedu habb es ich shuldich binn fa mei layva ufgevva, dann vill ich so du. Avvah vann dee sacha nett voah sinn es si mich pshuldicha difunn, dann soll nimmand mich ivvah-gevva zu eena. Ich beroof mich zumm Kaisah.”

2. Korinther 11:11

Un favass? Veil ich kenn leevi habb fa eich? Gott vayst es ich habb!

2. Korinther 11:31

Da Gott un Faddah funn unsah Hah Jesus Christus, vo ksaykend is ayvichlich, vayst es ich nett leek.

2. Korinther 5:11

Fasell, veil miah di furcht fumm Hah vissa, doon miah leit fashvetza. Da Hah vayst vass miah sinn, un ich hoff in eiyah innahlichi gedanka visset diah aw vass miah sinn.

5. Mosi 10:17

Da Hah eiyah Gott is da Gott ovvich awl anri gettah, un da Hah ovvich awl anri hahra. Eah is da grohs, mechtich un shreklich Gott es kenn unnahshitt veist unnich leit, un nemd kenn kshenk hinna rumm.

1. Timotheus 6:16

Eah laynich kann nett shtauva un laybt in di helling es nimmand nayksht kumma kann ditzu. Nimmand hott een selayva ksenna un nimmand kann een sayna. Zu eem sei di eah un di ayvich macht. Amen.

Hebräer 4:13

Nix es eah kshaffa hott is fashtekkeld funn Gott. Alles is nakkich un abgedekt fannich sei awwa, deah vo miah zu du henn mitt.

Joshua 22:21

No henn di shtamma fumm Ruben, em Gad un di halb-shtamm fumm Manasse ksawt zu di evvahshti funn di Israeliddah families,

Di Offenbarung 19:16

Uf sei glaydah un uf sei hift is en nohma kshrivva: “DA KAYNICH FUNN AWL KAYNICHA UN DA HAH FUNN AWL HAHRA.”

Di Offenbarung 2:23

Un ich shlakk awl iahra kinnah doht. No vissa awl di gmayna es ich sellah binn es di gedanka un hatza unnah-sucht, un ich gebb zu yaydah ebbah vass eah fadeend hott.

1. Samuel 15:23

Geyyich Gott shaffa is vi di sind funn hexahrei, un dikk-kebbich sei is vi's evila funn abgettah deena. Veil du's vatt fumm Hah nunnah gedrayt hosht, dann hott eah dich aw nunnah gedrayt fa kaynich sei.”

1. Samuel 2:3

Shtobb braekka un shtols sei, loss nett grohsi vadda aus deim maul kumma. Fa da Hah is da Gott es alles vayst, un bei eem vadda di verka gvohwa.