Jona 4:6 - Pennsylvania Dutch Bible

⁶ Gott da Hah hott no en shtokk gmacht ufvaxa ivvah da Jona fa shadda macha ivvah sei kobb, so es es een nett so hays dinkt. Da Jona voah oahrich froh fa deah shtokk.

Jona 4:6 Σταυροειδείς Αναφορές

Esther 5:9

Da Haman is fraylich naus ganga sellah dawk un in en goodah moot. Avvah vo eah da Mordecai ksenna hott am kaynich-doah hokka, un ksenna hott es eah nett ufkshtanna is un sich kfeicht hott fannich eem, voah eah heslich bays mitt em Mordecai.

Hiob 7:2

Es is vi en gnecht es en falanga hott fa in da shadda gay, adda vi en gnecht es am voahra is fa sei lohn greeya.

Shpricha 23:5

Vann du dei awwa uf reichheit setsht, uf aymol is es fatt, fa's grikt geviss flikkel, un fleekt noch em himmel vi en awdlah.

Jesoiya 39:2

Da Hiskia voah froh un hott di leit geahn eignumma. Eah hott eena awl's keshtlich sach gvissa es eah in sei shtoah-haus kalda hott—silvah, gold, shpeis, deiyah ayl, awl sei greeks-ksha un alles keshtliches es eah katt hott. 'S voah nix in sei kaynich-haus adda sei kaynich-reich es da Hiskia eena nett gvissa hott.

Amos 6:13

Diah froiyet eich veil diah di shtatt Lo-Debar ivvah-gnumma hend, un sawwet, “Henn miah nett selvaht di shtatt Karnaim ivvah-gnumma?”

Jona 1:17

Avvah da Hah hott en grohsah fish grisht fa da Jona shlukka. Un da Jona voah im fish sei bauch fa drei dawk un drei necht.

Jona 4:5

No is da Jona naus ganga un hott sich anna kokt east funn di shtatt. Datt hott eah en blatz gmacht es eah im shadda hokka hott kenna, un hott gvoaht fa sayna vass es gebt mitt di shtatt.

Jona 4:7

Avvah da neksht meiya vi's am dawk vadda voah hott Gott en voahm gmacht da shtokk ohfressa so es ah fadatt is.

Lukas 10:20

Diah sellet avvah eich nett froiya veyyich demm es diah graft hend ivvah di geishtah, avvah froiyet eich es eiyah nayma kshrivva sinn im Himmel.”

1. Korinther 7:30

Selli vo veina, losset si sei es vann si nett veina dayda. Un selli vo sich froiya, losset si sei vi selli vo sich nett froiya. Un selli vo sacha kawfa, losset si sei es vann si's nett aykna dayda.