Johannes 6:31 - Pennsylvania Dutch Bible

³¹ Unsah foah-feddah henn manna gessa in di vildahnis. Es is kshrivva, ‘Eah hott eena broht fumm Himmel gevva fa essa.’”

Johannes 6:31 Σταυροειδείς Αναφορές

Nehemia 9:15

In iahra hungahs-noht hosht du eena broht gevva fumm himmel; in iahra dasht hosht du vassah aus em felsa gebrocht. Du hosht eena ksawt fa in's land gay un's ivvah-nemma, es land es du kshvoahra hosht fa eena gevva.

Nehemia 9:20

Du hosht dei goodah Geisht gevva fa si lanna, dei manna hosht du nett zrikk kohva funn iahra meilah, un hosht eena vassah gevva fa iahra dasht.

Psalm 105:40

Si henn kfrohkt, un eah hott badreeslen gebrocht, un hott si satt gmacht mitt broht fumm himmel.

2. Mosi 16:35

Di Kinnah-Israel henn manna gessa fa fatzich yoah, biss si an's land kumma sinn es leit gvoond henn. Si henn manna gessa biss si an's land Kanaan kumma sinn.

Johannes 6:32

Jesus hott no ksawt zu eena, “Voahlich, ich sawk eich, es voah nett da Mosi vo eich broht gevva hott fumm Himmel, avvah mei Faddah gebt eich's recht broht fumm Himmel.

Johannes 6:49

Eiyah foah-feddah henn manna gessa in di vildahnis un si sinn kshtauva.

Johannes 6:58

Dess is sell broht vo runnah kumma is fumm Himmel, nett sell vo di foah-feddah gessa henn un sinn kshtauva, avvah deah vo dess broht est zayld immah layva.”

1. Korinther 10:3

un henn awl ay geishtlich ess-sach gessa,

5. Mosi 8:3

Eah hott eich gedaymeedicht un eich glost hungahrich sei, no hott eah eich kfeedaht mitt manna, sell es diah un eiyah feddah nett gekend henn. Dess voah so es diah vissa sellet es da mensh nett laybt funn yusht broht, avvah funn alles es aus em maul fumm Hah kumd.

Joshua 5:12

Es manna hott kshtobt kumma da dawk noch demm es si ess-sach gessa henn fumm land. So henn di Kinnah-Israel kenn manna may katt, avvah sell yoah henn si's ess-sach gessa es kumma is fumm land.

Di Offenbarung 2:17

Deah vo en oah hott, loss een heahra vass da Geisht sawkt zu di gmayna. Zu demm vo aushaybt un alles ivvah-kumd gevvich fumm fashtekkelda manna, un ich gebb eem en veisah shtay, mitt en neiyah nohma druff kshrivva. Un nimmand vayst sellah nohma vi yusht sellah vo en grikt.’