Johannes 11:9 - Pennsylvania Dutch Bible

⁹ Jesus hott ksawt, “Sinn's nett zvelf shtund imma dawk? Vann ennich ebbah dawks lawft, dutt eah nett shtolbahra veil eah's licht saynd funn dee veld.

Johannes 11:9 Σταυροειδείς Αναφορές

Shpricha 3:23

No zaylsht du dei vayk lawfa unni kfoah, un dei foos zayld nett shtolbahra.

Jeremia 31:9

Si zayla heila vi si kumma; si zayla bayda vi ich si zrikk bring. Ich fiah si nayvich em frish vassah, uf en gladdi pawt vo si nett shtolbahra, fa ich binn da faddah funn Israel, un da Ephraim is mei eahsht-geboahranah.

Johannes 11:10

Avvah vann ebbah lawft in di nacht, shtolbaht eah veil kenn licht in eem is.”

Johannes 12:35

Jesus hott ksawt zu eena, “Es licht is bei eich fa noch en glenni zeit. Lawfet diveil es diah's licht hend, adda's dunkla kumd ivvah eich. Deah vo im dunkla lawft vayst nett vo eah hee gayt.

Johannes 9:4

Ich muss di eahvet shaffa funn demm vo mich kshikt hott diveil es es dawk is. Di nacht kumd vann nimmand shaffa kann.

1. Johannes 2:10

Deah vo sei broodah leeb hott, laybt im licht, un in eem is nix es ebbah macht shtolbahra.