Joel 3:2 - Pennsylvania Dutch Bible

² dann sammel ich awl di heida zammah, un bring si nunnah in di Valley funn Josaphat. Datt zayl ich si richta veyyich mei eahbshaft di Kinnah-Israel, veil si si ausnannah kshtroit henn unnich di heida, un henn mei land fadayld.

Joel 3:2 Σταυροειδείς Αναφορές

2. Chronik 20:26

Uf em fiahda dawk henn si sich fasammeld im Lohb-Deich, un datt henn si da Hah glohbt. Sell is favass es es Lohb-Deich kaysa is heit noch.

Jesoiya 66:16

Fa mitt feiyah un mitt em shvatt, zayld da Hah di gans eaht richta, un feel leit vadda umgebrocht beim Hah.

Jesoiya 66:18

“Ich kenn iahra verka un iahra gedanka. Di zeit is am kumma es ich alli lendah un zunga zammah samla zayl, so es si kumma un mei hallichkeit sayna.

Jeremia 12:14

Dess is vass da Hah sawkt veyyich mei ungettlichi nochbahra es di eahbshaft nemma es ich mei leit Israel gevva habb. “Ich zayl si ufvatzla funn iahra land, un zayl's haus funn Juda aus di mitt funn eena reisa.

Jeremia 25:31

Di yacht vatt keaht biss an's end funn di eaht, da Hah zayld awl di heida pshuldicha; eah zayld alli mensh richta, un macht awl di ungettlicha doht.’” So sawkt da Hah.

Jeremia 49:1

Veyyich di Ammoniddah: Dess is vass da Hah sawkt: “Hott Israel kenn kinnah? Hott see nimmand fa eahbshaft greeya? So favass hott see di leit es da Milkom deena, glost di leit funn Gad ivvah-nemma un in iahra shtett voona?

Jeremia 50:17

Israel is vi en auskshtroidi drubb, es di layb ausnannah gyawkt henn. Seahsht hott da kaynich funn Assyria si kfressa, un nau's letsht hott da Kaynich Nebukadnezar funn Babylon iahra gnocha getshawt.

Ezekiel 25:8

“Dess is vass da Awlmechtich Hah sawkt: ‘Veil Moab un Seir ksawt henn, “Gukket moll, es haus funn Juda is grawt vi awl di heida,”

Ezekiel 34:6

Mei shohf sinn rumm gloffa ivvah di berga un di hivla. Si voahra ivvah di gans eaht kshtroit un nimmand hott ksucht fa si.

Ezekiel 35:10

Veil du ksawt hosht, “Di zvay lendah, Israel un Juda, zayla unsah sei, un miah nemma si ivvah,”—even vann da Hah datt voah—

Ezekiel 36:1

“Un du, mensha-kind, broffetzei zu di berga funn Israel un sawk, ‘Oh berga funn Israel, heichet's vatt fumm Hah.

Ezekiel 36:5

dann dess is vass da Awlmechtich Hah sawkt: In di hitz funn meim zann habb ich kshvetzt geyyich di ivvahricha heida-lendah un geyyich gans Edom, dee es mitt frayt un fagunsht in iahra hatza mei land ivvah-gnumma henn fa iahra ayknes sei, so es si's vayt-land shtayla kenna.’

Ezekiel 38:22

Ich zayl een richta mitt peshtelens un mitt bloot fageesa. Ich leah reyyah, shlohsa, un feiyah un shvevvel uf een un sei greeks-gnechta, un aw uf selli grohs drubb heida es bei eem sinn.

Ezekiel 39:11

Vann awl dess moll blatz gnumma hott, dann gebb ich em Gog en begraybnis-blatz in Israel, in di valley es selli deich gayn east fumm Say. Dess zayld di leit abshpadda funn datt deich gay, veil da Gog un awl selli es bei eem voahra fagrawva sinn datt. Sellah blatz zayld no di Valley funn Hamon-Gog kaysa sei.

Joel 3:12

“Loss di heida sich rishta, un loss si zammah kumma an di Valley funn Josaphat. Datt zayl ich hokka fa di heida richta ivvahrawlich.

Joel 3:14

Drubba un drubba leit sinn in di valley fumm gericht! Da dawk fumm Hah is nayksht in di valley fumm gericht.

Amos 1:11

Dess is vass da Hah sawkt: “Fa di feel sinda funn di leit funn Edom, even fa drei adda fiah, dann dray ich nett vekk funn si shtrohfa. Veil si iahra broodah Israel nohch ganga sinn mitt em shvatt, un henn kenn bamhatzichkeit gvissa, veil si veedich bays voahra di gans zeit, un iahra zann nett zrikk kohva henn,

Micha 4:12

Avvah si vissa nett di gedanka fumm Hah, si vissa nett vass eah im sinn hott; fa eah sammeld si zammah vi shayb uf em dresha-floah.

Zephania 3:8

Fasell, voahdet uf mich,” sawkt da Hah, “voahdet biss ich ufshtay fa en zeiknis. Ich habb ausgmacht fa di heida zammah samla, di kaynich-reicha zammah bringa un mei zann ausleahra uf si, mitt awl mei gleedichah zann. Di gans veld zayld ufgebrend vadda beim feiyah funn meim haysa zann.”

Di Offenbarung 11:18

Di Heida voahra bays, un dei zann is kumma. Di zeit is do fa di dohda richta un fa dei gnechta di brofayda betzawla, un aw selli es heilich sinn, un selli es furcht henn funn deim nohma, un di glenna un di grohsa, un fa selli doht macha es di eaht fadauva.”

Di Offenbarung 16:14

Dee fresh sinn geishtah funn deivela. Si doon grohsi zaycha un gayn naus zu awl di kaynicha funn di gans veld, un geddahra si zammah fa fechta uf em grohsa dawk funn Gott Awlmechtich.

Di Offenbarung 16:16

Si henn si no zammah gegeddaht an da blatz es in di Hebrayah shprohch, Harmagedon hayst.

Di Offenbarung 16:6

Fa si henn's bloot funn di saylicha un di brofayda ausgleaht, un du hosht eena bloot gevva zu drinka. Si henn's fadeend.”

Di Offenbarung 20:8

Eah gayt no naus fa awl di leit in di fiah ekka funn di eaht fafiahra—sell is, Gog un Magog—fa si zammah greeya fa fechta. Iahra nambah is vi da sand am say nohch.