Joel 3:14 - Pennsylvania Dutch Bible

¹⁴ Drubba un drubba leit sinn in di valley fumm gericht! Da dawk fumm Hah is nayksht in di valley fumm gericht.

Joel 3:14 Σταυροειδείς Αναφορές

Psalm 37:13

Avvah da Hah lacht ivvah di gottlohsa, veil eah saynd es iahra dawk am kumma is.

Jesoiya 13:4

Heichet zu di yacht uf di berga, vi en yacht funn feel leit! Heichet zu di ufruah unnich di kaynich-reicha, es vi vann di heida am zammah kumma veahra. Da Awlmechtich Hah is am greeks-gnechta zammah greeya fa greek macha.

Jesoiya 22:1

En zeiya veyyich di Valley funn Vision: Vass baddaht eich nau, es diah nuff uf di haus-dechah ganga sind,

Joel 1:15

Vay zu uns fa sellah dawk! Fa da dawk fumm Hah is nayksht; da dawk vann da Awlmechtich fadeahvung bringd.

Joel 2:1

Blohs es blohs-hann in Zion; losset di kfoah vissa gmacht uf mei heilichah hivvel. Ziddahret, alli-ebbah im land, fa da dawk fumm Hah is am kumma un is nayksht.

Joel 2:11

Em Hah sei shtimm dunnaht fannich sei greeks-gnechta; sei greeks-mennah sinn shteik un feel, un mechtich sinn selli es eem heicha. Da dawk fumm Hah is grohs un shreklich, veah kann's ausleida?

Joel 3:12

“Loss di heida sich rishta, un loss si zammah kumma an di Valley funn Josaphat. Datt zayl ich hokka fa di heida richta ivvahrawlich.

Joel 3:2

dann sammel ich awl di heida zammah, un bring si nunnah in di Valley funn Josaphat. Datt zayl ich si richta veyyich mei eahbshaft di Kinnah-Israel, veil si si ausnannah kshtroit henn unnich di heida, un henn mei land fadayld.

Zephania 1:14

Da grohs dawk fumm Hah is nayksht; eah is nayksht un kumd kshvind. Heichet, da dawk fumm Hah zayld biddah sei, even da shteiksht mensh zayld naus greisha.

Philipper 3:2

Gevvet acht veyyich selli hund; gevvet acht veyyich selli evili un falshi sheffah; gevvet acht fa selli es sich beshneida lossa.

2. Petrus 3:7

Avvah di himla un di eaht es nau shtayn sinn am kalda vadda fa's feiyah bei demm naymlich Vatt. Si sinn am kohva vadda fa da dawk fumm gericht un di fadamnis funn gottlohsi leit.