Joel 2:21 - Pennsylvania Dutch Bible

²¹ Feich dich nett, oh leeblich land; sei fraylich un gedrohsht, fa da Hah kann grohsi sacha du.

Joel 2:21 Σταυροειδείς Αναφορές

1. Mosi 15:1

Noch demm is es vatt fumm Hah zumm Abram kumma in en vision un's hott ksawt, “Feich dich nett, Abram, ich binn dei shield, un dei grohsi betzawling.”

Psalm 71:19

Dei gerechtichkeit, oh Gott, langd nuff in da himmel, du es grohsi sacha gedu hosht, oh Gott. Veah is vi du?

Psalm 98:8

Loss di revvahra iahra hend zammah shlauwa, un loss di hivla zammah singa mitt frayt,

Jesoiya 35:1

Di vildahnis un's drukka land zayla sich froiya, es veesht land zayld fraylich sei un zayld bleeya mitt blumma.

Jesoiya 41:10

Feich dich nett; ich binn bei diah. Sei nett engshtlich; ich binn dei Gott. Ich mach dich shteik un helf diah; ich hayb dich uf mitt di rechts hand funn mei gerechtichkeit.

Jesoiya 44:23

Singet mitt frayt, oh himla, fa da Hah hott dess gedu. Greish laut, du niddahsht dayl funn di eaht. Singet mitt frayt, diah berga un awl di baym in di busha. Fa da Hah hott da Jakob saylich gmacht, un veist's in sei hallichkeit deich Israel.

Jesoiya 54:4

Feich dich nett, du zaylsht dich nett shemma, sei nett gedruvveld, du vasht nett fashohmd; dei shohm vo du yung voahsht zaylsht fagessa, un zaylsht nimmi droh denka an dei faniddahres, vo du en vitt-fraw vadda bisht.

Jesoiya 55:12

Diah zaylet naus gay mitt frayt, un kfiaht sei mitt fridda; di berga un hivla zayla singa fannich eich, un awl di baym im feld shlauwa iahra hend zammah.

Jeremia 33:3

‘Roof mich oh, un ich gebb diah andvat, un sawk diah grohsi un mechtichi sacha es du nett vaysht.’

Hosea 2:21

In sellem dawk gebb ich andvat,” sawkt da Hah. “Ich gebb andvat zu di himla, un si gevva andvat zu di eaht;

Joel 2:20

Ich zayl di army funn di natt veit vekk dreiva funn eich; ich sheeb si naus in's veesht un drukka land. Ich dreib iahra feddahshti in da say in di east, un iahra hinnahshti in da say in di west. Iahra veeshtah kshmakk un shtink gayt in di hay, fa si henn grohsi un veeshti sacha gedu.”

Joel 2:26

Diah zaylet blendi havva zu essa biss diah satt sind, diah zaylet em Hah eiyah Gott sei nohma preisa, deah es vundahboahri sacha gedu hott fa eich, un mei leit braucha sich nee nimmi shemma.

Sacharia 8:15

“so habb ich nau ausgmacht fa goot du zu Jerusalem un Juda. So feichet eich nett!

5. Mosi 4:32

Gukket zrikk in di dawwa eb diah geboahra voahret, zrikk an di zeit es Gott mensha gmacht hott uf di eaht. Gukket in da himmel funn aym end zumm anra. Hott ennich ebbes vi dess selayva blatz gnumma, adda ennich ebbah ebbes vi dess selayva keaht?

1. Samuel 12:16

Nau shtaynd shtill, un saynet dess grohs ding es da Hah du zayld fannich eiyah awwa.

1. Samuel 12:24

Haldet oh da Hah firchta un een deena in di voahheit mitt eiyah gans hatz, un denket droh an di vundahboahra sacha es eah gedu hott fa eich.