Jesoiya 7:2 - Pennsylvania Dutch Bible

² Nau's voah ksawt zumm Ahas fumm Dawfit sei nohch-kummashaft, “Syria un Ephraim sinn zammah ganga mitt iahra greeks-gnechta.” No voah's hatz fumm Ahas un sei leit fashrokka. Si henn kshiddeld mitt furcht vi di baym im bush es geblohsa sinn beim vind.

Jesoiya 7:2 Σταυροειδείς Αναφορές

2. Samuel 7:16

Dei haus un dei kaynich-reich zayld ayvichlich shtay fannich miah; dei kaynich-shtool zayld eiksetzt sei fa'immah.’”

1. Kaynicha 11:32

Avvah eah zayld ay shtamm halda. Dess is veil ich mei gnecht da Dawfit un di shtatt Jerusalem gnumma habb fa mei sei aus awl di anra shtamma.

1. Kaynicha 12:16

Vo gans Israel ksenna hott es da kaynich's nett dutt fa eena abheicha, henn si ksawt zumm kaynich: “Vass fa en dayl henn miah im Dawfit, adda eahbshaft im Jesse sei boo? Zu eiyah heisah, oh Israel! Gebb du acht uf dei ayya haus, oh Dawfit!” So sinn di Israeliddah haym ganga.

1. Kaynicha 13:2

Deah mann hott kshvetzt geyyich da awldah deich's vatt fumm Hah. Eah hott ksawt, “Awldah, awldah! Dess is vass da Hah sawkt: ‘En boo es Josia hayst zayld geboahra vadda zumm haus fumm Dawfit. Di preeshtah es nau opfahra macha in di hohcha-bletz zayla gopfaht vadda uf diah bei eem. Mensha gnocha zayla fabrend vadda uf diah.’”

2. Chronik 25:10

No hott da Amazia di mennah gay glost es zu eem kumma sinn funn Ephraim un hott si haym kshikt. Si voahra zannich mitt Juda un sinn gleedich bays haym ganga.

2. Chronik 28:12

No sinn samm evvahshti funn Ephraim—da Asaria, em Johanan sei boo, da Berechia, em Mesillemoth sei boo, da Jehiskia, em Salum sei boo, un da Amasa, em Hadlai sei boo—fannich selli kshtanna es am zrikk kumma voahra fumm greek.

Psalm 11:1

Ich gukk zumm Hah fa mich aus di kfoah halda. So favass sawksht du miah, “Fleek nuff in di berga vi en fokkel?

Shpricha 28:1

Di gottlohsa shpringa fatt even vann nimmand eena nohch is, avvah di gerechta sinn so shuah funn sich selvaht es en layb.

Jesoiya 11:13

Em Ephraim sei jealousy zayld fagay, un em Juda sei feinda vadda abkshnidda. Da Ephraim zayld nett jealous sei ivvah da Juda un da Juda baddaht da Ephraim nimmi.

Jesoiya 22:22

Ich zayl da shlissel zumm haus fumm Dawfit uf sei shuldah du. Vass eah uf macht kann nimmand zu macha, un vass eah zu macht kann nimmand uf macha.

Jesoiya 37:27

Iahra leit henn kenn graft may katt, si voahra engshtlich un fashohmd. Si sinn vadda vi di blansa im feld, vi glenni greeni blansa, vi's graws am vaxa uf em dach, es fadatt eb's vaxa kann.

Jesoiya 37:35

“Fa ich zayl ivvah dee shtatt vatsha un si frei halda, fa mei eah un fa di sayk funn mei gnecht da Dawfit!”’”

Jesoiya 6:13

Doch zayld en zeyyadel dayl im land bleiva, avvah sell zayld viddah fadauva vadda. So vi da linda-bohm un da aycha-bohm shtumba shtay lossa vann si nunnah kshnidda vadda; so is da heilich sohma da shtumba im land.”

Jesoiya 7:13

No hott da Jesoiya ksawt, “Heich moll, Ahas, du es fumm Dawfit kumsht! Is es nett genunk es du di geduld broviahsht funn mensha? Zaylsht du di geduld funn Gott aw broviahra?

Jesoiya 7:17

Da Hah zayld druvvel uf dich, uf dei leit un uf di leit funn dei faddah sei haus bringa. Dess zayld en zeit funn druvvel sei es noch nett so voah siddah es da Ephraim vekk gebrocha is funn Juda. Da Hah bringd da kaynich funn Assyria uf eich.”

Jesoiya 7:5

Di lendah funn Syria un Ephraim un em Remalia sei boo sinn am rishta fa diah shawda du. Si sawwa zu nannah,

Jesoiya 8:12

“Di leit mayna es anri sinn am shkeema un shvetza geyyich si. Diah sellet so sach nett glawva. Feichet eich nett veyyich di sacha es si sich feicha diveyya, seind nett engshtlich diveyya.

Jesoiya 9:9

Awl di leit zayla vissa, es da Ephraim un di leit funn Samaria mitt hohchmoot un shtolsi hatza sawwa,

Jeremia 21:12

diah es fumm Dawfit sei nohch-kummashaft sind, dess is vass da Hah sawkt: Vann ebbah grawbt vatt, dann gevvet eem sei recht geyyich da rawvah; doond dess alli meiya es eahsht ding, adda mei zann gayt naus vi en gleedich feiyah, un brend so es nimmand's ausmacha kann, veil diah dess evil gedu hend.

Hosea 12:1

Da Ephraim feedaht sich uf em vind, alli dawk gayt eah em east vind nohch, un macht may leeya un fadauves mitt gvald. Eah macht en bund mitt em land Assur, un shikt ayl zu Egypta.

Matthäus 2:3

Vo da Kaynich Herodes dess keaht hott, voah eah unruich, un awl di leit funn Jerusalem voahra aw.