Jesoiya 66:3 - Pennsylvania Dutch Bible

³ Avvah veah-evvah es en ox opfaht, is vi sellah es en mann doht macht, un veah-evvah es en lamm opfaht, is vi sellah es en hund sei hals fabrecht; veah-evvah es en shpeis-opfah bringd, is vi sellah es bloot funn sei bringd, un veah-evvah es insens brend, is vi sellah es en abgott deend. Dee leit gayn iahra ayknah vayk, un greeya blesiah aus iahra grausam sach.

Jesoiya 66:3 Σταυροειδείς Αναφορές

Shpricha 15:8

Es opfah funn di gottlohsa is grauslich zumm Hah, avvah di gebaydah funn di ufrichticha sinn eem kfellich.

Shpricha 21:27

Da opfah fumm gottlohsa is grausam, un vi feel may vann eah's bringd mitt evili gedanka.

Jesoiya 44:19

Nimmand shtobt un denkt drivvah, nimmand hott di eisicht un fashtayt genunk fa sawwa, “Dihelft havvich gyoost fa feiyah macha; ich habb broht gebakka uf em feiyah, flaysh gekocht un habb gessa. Soll ich nau en grausam ding macha mitt em ivvahricha? Soll ich nunnah gneeya zu en hols glotz?”

Jesoiya 53:6

Miah voahra awl vi shohf es sich faloahra henn; yaydahs funn uns is sei ayknah vayk ganga. Un da Hah hott awl unsah sinda uf een glaykt.

Jesoiya 57:17

Ich voah zannich veil eah so sindlich un greedich voah, ich habb een kshtrohft, un mei ksicht fashtekkeld in meim zann. Avvah eah hott ohkalda vekk drayya, un sei ayya hatz nohch gay.

Jesoiya 65:12

Fasell, dray ich eich ivvah zumm shvatt, un diah bikket eich awl nunnah fa kshlachta sei; ich habb eich groofa avvah diah hend kenn andvat gevva, ich habb kshvetzt avvah diah hend nett abkeicht. Diah hend evil gedu fannich mei awwa, un hend ausgmacht fa du vass miah nett kfellich voah.”

Jesoiya 65:2

Ich habb da gans dawk mei hend naus kohva zu en drubb fashtokti leit, es iahra ayknah vayk un gedanka nohch gayn, en vayk es nett goot is—

Jesoiya 66:17

“Selli es sich heilich un rein macha fa in di goahra gay, hinnich sellah in di mitt, un selli es unrein sei-flaysh, meis un annah grausam sach essa—zayla awl zammah an iahra end kumma,” sawkt da Hah.

Jeremia 6:20

Vass gebb ich um insens funn Seba, adda salb-ayl funn en land veit ab? Eiyah brand-opfahra nemm ich nett oh; eiyah opfahra kfalla miah nett.”

3. Mosi 2:2

un's zumm Aaron sei boova di preeshtah bringa. Da preeshtah soll no en hand-foll fumm fei mayl un ayl nemma mitt em insens, un soll's fabrenna uf em awldah fa en gedenknis. Es is en opfah gmacht bei feiyah fa en goodah kshmakk zumm Hah.

Haggai 2:14

No hott da Haggai ksawt, “Da Hah sawkt, ‘Grawt so is es mitt demm folk un dee leit in mei awwa. Vass-evvah es si doon un vass-evvah es si opfahra datt is unrein.

5. Mosi 14:8

Di sau is aw unrein veil see kshpaldani hoofs hott avvah see dutt nett viddah-kauwa. Diah sellet iahra flaysh nett essa un see nett ohrayya noch demm es see doht is.

5. Mosi 23:18

Diah sellet's huahra-lohn-geld funn en manskal adda veibsmensh huah nett in's haus fumm Hah eiyah Gott bringa, even fa en fashprechnis-opfah. Da Hah hast si awl zvay.

Richtah 10:14

Gaynd un roofet di gettah oh es diah ohgnumma hend. Losset si eich helfa vann diah in druvvel sind.”

Richtah 21:25

In selli dawwa voah kenn kaynich in Israel. Alli-ebbah hott gedu vass recht voah in sei aykni awwa.

Richtah 5:8

Vo si neiyi gettah ohgnumma henn, is greek an di shtett doahra kumma. Nett en shield adda en shpiah voah ksenna unnich di fatzich dausend in Israel.