Jesoiya 61:8 - Pennsylvania Dutch Bible

⁸ “Ich binn da Hah, un gleich es leit iahra recht greeya, ich hass shtayles fa brand-opfah macha. Ich zayl shtandhaftich sei mitt iahra lohn, un mach en ayvich bund mitt eena.

Jesoiya 61:8 Σταυροειδείς Αναφορές

1. Mosi 17:7

Un ich vill mei bund macha zvishich miah un diah un dei nohch-kummashaft noch diah, un iahra nohch-kummashaft. Dess soll en ayvich bund sei, es ich dei Gott sei zayl un da Gott funn dei nohch-kummashaft.

2. Samuel 23:5

Is nett mei haus so mitt Gott? Fa eah hott en ayvich bund gmacht mitt miah, es grisht is un fesht gmacht gans deich. Kann ich mich nett falossa uf sei hilf, un es eah mei alli falanga gebt zu miah?

Psalm 105:10

Eah hott's viddah ivvah fashprocha un fesht gmacht zumm Jakob, un zu Israel es en ayvich bund.

Psalm 11:7

Da Hah is gerecht un eah leebt gerechtichkeit. Di gerechta zayla sei ksicht sayna.

Psalm 32:8

Ich lann dich un veis diah da vayk es du gay solsht; ich gebb diah roht, un vatsh ivvah dich.

Psalm 33:5

Eah leebt gerechtichkeit un vass recht is; di eaht is foll mitt di shtandhaftich leevi fumm Hah.

Psalm 37:28

Da Hah leebt sell vass recht is, un falost nett sei shtandhaftichi. Si vadda aus di kfoah kalda fa'immah, avvah di nohch-kummashaft funn di gottlohsa vadda abkshnidda.

Psalm 45:7

Du leebsht gerechtichkeit un hasht vass gottlohs is. Fasell hott Gott, dei Gott dich haychah ufketzt es ennich ebbah shunsht, bei dich salba mitt em ayl funn frayt.

Psalm 50:5

Eah sawkt, “Geddahret zu miah mei heilichi, selli es en bund gmacht henn mitt miah deich en opfah.”

Psalm 62:10

Falosset eich nett uf rawves, un doond eiyah fadrauwa nett in kshtohla shtoft. Vann diah reich vaddet, setzet eiyah hatza nett uf sell.

Psalm 99:4

Da Kaynich is mechtich un leebt richtes— du hosht auskshaft vass recht is. Du hosht gerechtichkeit un gericht auskshaft im Jakob.

Shpricha 3:6

denk an een in awl dei vayya, no zayld eah dich recht fiahra.

Shpricha 8:20

Ich lawf uf em vayk funn gerechtichkeit, un uf di pawt funn vass recht is.

Jesoiya 28:17

Ich mach eahlich richtes da bendel fa messa, un gerechtichkeit da level. Shlohsa keahra vekk awl di leeya es diah eich falosset druff, un hohch vassah lawft ivvah eiyah fashtekkel-blatz.

Jesoiya 30:18

Avvah doch da Hah vill gnaydich sei zu eich, un eah haybt sich uf fa bamhatzichkeit veisa zu eich. Veil eah en Gott is es immah dutt vass recht is. Ksaykend sinn awl selli es voahra fa een!

Jesoiya 5:16

Avvah da Awlmechtich Hah vatt uf kohva in seim gericht, un da heilich Gott veist sich heilich in gerechtichkeit.

Jesoiya 54:10

Di berga mechta kshiddeld vadda, un di hivla vekk gnumma sei, doch mei shtandhaftichi-leevi fa dich vatt nett kshiddeld, un mei bund funn fridda vekk gnumma,” sawkt da Hah, es bamhatzich is zu diah.

Jesoiya 55:3

Machet eiyah oahra uf, un kummet zu miah, heichet mich ab, so es eiyah sayl laybt. Ich mach en ayvich bund mitt eich; ich gebb eich di shtandhaftich leevi es ich fashprocha habb zumm Dawfit.

Jesoiya 56:1

Dess is vass da Hah sawkt: “Haldet vass recht is, un doond gerechtichkeit, fa mei saylichkeit is nayksht, un mei gerechtichkeit vatt gvissa.

Jesoiya 66:22

“Un grawt vi da nei himmel un di nei eaht es ich macha zayl, fannich miah bleiva zayla,” sawkt da Hah, “so zayld eiyah nohma un eiyah nohch-kummashaft bleiva.

Jeremia 32:40

Ich mach dess ayvich bund mitt eena: Ich shtobb nee nett goot du zu eena, un ich mach es si mich firchta, so es si nee nett vekk drayya funn miah.

Jeremia 9:24

Avvah veah braekka vill, loss een braekka veyyich demm: es eah mich fashtayt un kend, es ich da Hah binn, deah es bamhatzichkeit, eahlich richtes un gerechtichkeit uf di eaht bringd. Dee sinn di sacha es mich froh macha.” So sawkt da Hah.

Ezekiel 16:60

Avvah doch, ich fagess nett's bund es ich gmacht habb mitt diah vo du yung voahsht, un ich zayl en ayvich bund halda mitt diah.

Ezekiel 34:25

Ich mach en bund funn fridda mitt eena, un mach's land frei funn vildi diahra, so es si in di vildahnis voona kenna un in di busha shlohfa kenna unni kfoah.

Maleachi 1:13

Diah sawwet, ‘Miah sinn dess laydich’ un drayyet eiyah naws nuff geyyich mich,” sawkt da Awlmechtich Hah. “Diah bringet en kshtohla diah adda ayns es grank un lohm is fa en opfah. Sett ich dess ohnemma funn eiyah hend?” frohkt da Hah.

Matthäus 23:13

Es zayld vay sei zu eich shrift-geleahrah un Pharisayah, diah heichlah, veil diah's Himmel-Reich zu machet zu leit. Diah gaynd nett selvaht nei, un diah alawvet aw nett anri nei vo nei gay vella.

2. Thessalonicher 3:5

Da Hah soll eiyah hatza fiahra in di leevi funn Gott, un in di geduld funn Christus.