Jesoiya 5:23 - Pennsylvania Dutch Bible

²³ selli es di gottlohsa recht haysa bei geld hinna rumm nemma, un selli es di gerechta iahra recht vekk nemma funn eena.

Jesoiya 5:23 Σταυροειδείς Αναφορές

1. Kaynicha 21:13

No henn si zvay nix-nutzichi mennah uf di annah seit funn eem kokt. Si henn da Naboth faglawkt fannich di leit un henn ksawt, “Da Naboth hott Gott un da kaynich faflucht.” No henn si een aus di shtatt gnumma un henn een doht kshtaynicht.

2. Chronik 19:7

Losset di furcht fumm Hah uf eich sei, un gevvet acht vi diah richtet, fa da Hah unsah Gott hott nix zu du mitt ungerechtichkeit, ayseidich sei, adda kshenkah nemma hinna rumm.”

Psalm 94:21

Si gayn zammah geyyich's layva funn di gerechta, un fadamma unshuldich bloot.

Shpricha 17:15

Di shuldicha frei gay lossa, adda di unshuldicha shtrohfa— da Hah hast si awl zvay.

Shpricha 17:23

En gottlohsah mensh nemd geld hinna rumm, un fabeekt da vayk es recht is.

Shpricha 24:24

En richtah es zu di gottlohsa sawkt, “Du bisht unshuldich,” vatt faflucht bei di leit, un alli-ebbah hast een;

Jesoiya 1:23

Eiyah roolahs drayya sich geyyich Gott, un shaffa mitt deeb; si gleicha geld hinna rumm nemma, un sucha fa kshenkah. Si shtayn nett uf fa selli unni eldra, un heicha da glawk funn vitt-veivah nett ab.

Jesoiya 10:1

Vay zu selli es unrechti ksetza macha, zu selli es unrechti gebodda uf shreiva,

Jesoiya 10:2

so es si di evvahsht-hand greeya kenna funn vitt-veivah un kinnah unni eldahra, un so es selli in noht iahra recht nett greeya, un di oahma funn mei leit iahra recht faliahra.

Jesoiya 28:7

Allaveil avvah doon di brofayda un preeshtah ksoffa rumm lawfa funn vei. Si henn so feel shteik drinkes un vei gedrunka es si fashtatzt sinn un nett grawt lawfa kenna. Si sinn zu ksoffa fa di visions fashtay es Gott shikt, un si shtolbahra vann si richta.

Jesoiya 29:21

selli es macha es ebbah shuldich is bei iahra vatt, selli es en fall setza fa sellah es gricht vatt am doah, selli es falshi zeiya gevva fa ebbah sei recht vekk nemma.

Jesoiya 32:7

Da fafiahrah dutt ungettlichi sacha, eah shkeemd fa evil du, mitt leeya hald eah di oahma funn iahra recht greeya, even vann si sawwa vass voah is.

Jesoiya 59:15

Di voahheit kann nett kfunna sei, un deah es funn evil drayt, dutt sich selvaht in di kfoah. Da Hah hott gegukt, un's hott eem nett kfalla es nimmand may sei recht greeya kann.

Amos 5:12

Fa ich vays vi oft es diah ivvah-dreddet, un vi grohs es eiyah sinda sinn. Diah drikket di gerechta nunnah un nemmet geld hinna rumm, un haldet di oahma funn iahra recht greeya in di richts-bletz.

Micha 3:11

Iahra evvahshti nemma geld hinna rumm, iahra preeshtah vadda betzawld fa leit lanna, un iahra brofayda broffetzeiya fa geld. Avvah doch falossa si sich uf da Hah un sawwa, “Is da Hah nett unnich uns? Nix shlechtes zayld uf uns kumma.”

Micha 7:3

Iahra zvay hend sinn goot droh am letz du; di roolahs frohwa fa geld, un di richtah nemma geld hinna rumm. Di mechticha un reicha leit sawwa eena vass zu du, so shaffa si awl zammah.

Matthäus 23:35

So uf eich kumd awl's gerecht bloot vo raus gleaht vatt uf di eaht, fumm gerechta Abel zumm bloot fumm Zacharias, em Barachiah sei boo, vo diah doht gmacht hend zvishich em tempel un em awldah.

5. Mosi 16:19

Diah sellet nett unnahshidlich sei in eiyah gericht, un sell vass recht is nett beeya. Diah sellet kenn kshenkah nemma hinna rumm, fa so kshenkah fablenna di awwa funn selli mitt veisheit un fadrayya di vadda funn di gerechta.

Jakobus 5:6

Diah hend deah vo gerecht voah fadamd un doht gmacht, un eah hott sich nett gveaht geyyich eich.