Jesoiya 40:21 - Pennsylvania Dutch Bible

²¹ Doond diah nett vissa? Hend diah nett keaht? Voah's eich nett ksawt fumm ohfang? Hend diah's nett fashtanna fumm ohfang funn di veld?

Jesoiya 40:21 Σταυροειδείς Αναφορές

1. Mosi 1:1

Am ohfang hott Gott da himmel un di eaht kshaffa.

Hiob 26:7

Eah shtrekt da himmel in di natt naus ivvah's leahra, un henkt di eaht uf nix.

Psalm 115:8

Selli es dee abgettah macha, zayla vadda vi si, un aw awl selli es sich falossa uf si.

Psalm 50:6

Di himla sawwa veyyich sei gerechtichkeit, fa Gott selvaht is da richtah. (Sela)

Jesoiya 27:11

Vann di nesht drukka sinn brecha si ab, un di veibsleit kumma un macha feiyah mitt'na. Fa dess is en leit es sacha nett fashtayn, so zayld sellah es si gmacht hott kenn bamhatzichkeit havva, un sellah es si kshaffa hott zayld nett gnaydich sei zu eena.

Jesoiya 37:26

Hosht du dess noch nett keaht? Lang zrikk habb ich dess ausgmacht. Siddah di alda zeida habb ich's im sinn katt, nau habb ich's gedu. Ich habb dich glost zu-gmavvahdi shtett in shtay-heifa macha.

Jesoiya 40:28

Doond diah nett vissa? Hend diah nett keaht? Da Hah is da ayvich Gott, deah es di endah funn di eaht kshaffa hott. Eah vatt nett shvach adda meet, nimmand kann begreifa vi eah sach fashtayt.

Jesoiya 44:20

Eah feedaht sich mitt esh, sei fafiaht hatz drayt een vekk. Eah kann sich selvaht nett saylich macha un sawwa, “Is dess ding in mei rechtsi hand nett en leek?”

Jesoiya 46:8

Fagesset dess nett avvah denket drivvah; nemmet's zu hatz, diah ivvah-dreddah.

Jesoiya 48:13

Mei aykni hand hott di eaht gegrund, un mei rechtsi hand hott di himla auskshtrekt; vann ich si roof, shtayn si awl zammah uf.

Jesoiya 51:13

Hosht du da Hah fagessa es dich gmacht hott, deah es di himla auskshtrekt hott, un da grund glaykt hott fa di eaht, un bei een fagessa, dich kfeicht hosht alli dawk, veyyich em zann fumm nunnah-dreddah, deah vo's im sinn katt hott fa dich umbringa? Vo is nau da zann fumm nunnah-dreddah?

Di Apostelgeschichte 14:17

Doch hott eah en zeiknis glost funn sich selvaht. Eah hott goodi sacha gedu un hott uns reyya gevva fumm Himmel un frucht in iahra zeit. Eah hott uns feel ess-sach gevva un unsah hatza fraylich gmacht.”

Römer 1:28

Un siddah es si nett gmaynd henn es es nohtvendich is fa vissa veyyich Gott, hott Gott si ivvah-gevva zu en unreini meind, fa di sacha du es si nett sedda.