Διαδικτυακή Βίβλος

Jesoiya 16:8 - Pennsylvania Dutch Bible

⁸ Di feldah funn Hesbon sinn favelkt, un so sinn di drauva-shtekk funn Sibma. Di roolahs funn di heida henn di beshta drauva-shtekk nunnah kshtambt, dee es naus ganga sinn biss an Jaser, un naus gvaxa sinn biss an di vildahnis. Iahra ranka sinn ausnannah ganga biss an da say.

Δείτε το κεφάλαιο αντίγραφο

« Προηγούμενος

πήγαινε πίσω ⬆

Επόμενο »

Jesoiya 16:8
13 Σταυροειδείς Αναφορές

2. Samuel 1:21

Oh berga funn Gilboa, es soll kenn dau adda reyyah uf eich falla un di feldah sella kenn frucht gevva. Fa datt is vo's shield funn di mechticha unrein gmacht voah, em Saul sei shield is nimmi ksalbt mitt ayl.

Δείτε το κεφάλαιο

Jesoiya 10:7

Avvah dess is nett vass da Assur im sinn hott fa du; dess is nett vass eah in meind hott. Vass eah du vill is fa doht macha un feel leit un lendah ivvah-nemma.

Δείτε το κεφάλαιο

Jesoiya 15:4

Hesbon un Eleale sinn am heila; iahra shtimma vadda keaht gans drivva an Jahza. Fasell doon di greeks-leit funn Moab laut heila; iahra moot is gans faloahra.

Δείτε το κεφάλαιο

Jesoiya 16:9

Ich heil mitt di shtatt Jaser ivvah di vei-shtekk funn Sibma, mei awwa-vassah fald uf Hesbon un Eleale, fa di yacht funn greek is ivvah dei frucht un eahn kumma.

Δείτε το κεφάλαιο

Jesoiya 24:7

Di vei-shtekk drikla uf, un da nei vei vatt vennich; awl di lushticha zayla yammahra.

Δείτε το κεφάλαιο

Jeremia 48:32

Ich muss may heila fa dich oh vei-shtokk, Sibma, es fa di leit funn Jaser. Dei drauva-ranka langa ivvah da say, si langa biss an da say funn Jaser. Dei zeidich frucht un drauva, sinn zu sellem kfalla es fadaubt.

Δείτε το κεφάλαιο

4. Mosi 21:32

Noch demm es da Mosi di mennah in Jaser kshikt katt hott fa di shtatt aussucha, henn di Israeliddah awl di shtetlen drumm rumm ivvah-gnumma un di Amoriddah ausgedrivva es datt voahra.

Δείτε το κεφάλαιο