Jesoiya 10:4 - Pennsylvania Dutch Bible

⁴ 'Sis no nix ivvahrich es vi fa unnich di kfangana gneeya, adda fa nunnah falla unnich di dohda. Un deich awl dess is sei zann nett vekk gedrayt; sei shtrohf-hand is alsnoch naus kshtrekt.

Jesoiya 10:4 Σταυροειδείς Αναφορές

Jesoiya 22:2

diah in di shtatt es yachtich is, diah in di shtatt es fraylich un yachtich is? Eiyah dohdi voahra nett doht gmacht mitt em shvatt, un aw nett uf em greeks-feld.

Jesoiya 24:22

Si zayla zammah ksammeld sei vi kfangani in en kellah-shtubb, un eikshpatt sei in en jail; feel dawk shpaydah vadda si kshtrohft.

Jesoiya 34:3

Iahra kshlachtani vadda naus kshmissa, si fafaula un en heslichah kshmakk gayt ab funn eena; iahra bloot lawft ivvah di berga nunnah.

Jesoiya 5:25

Fasell brend em Hah sei zann hays geyyich sei leit; eah haybt sei hand uf geyyich si un shlakt si nunnah. Di berga shidla, un di dohda leit leiya vi trash in di shtrohsa. Doch lost sei zann nett nohch, un sei hand is alsnoch auskshtrekt fa shtrohfa.

Jesoiya 66:16

Fa mitt feiyah un mitt em shvatt, zayld da Hah di gans eaht richta, un feel leit vadda umgebrocht beim Hah.

Jesoiya 9:11

Avvah da Hah hott di greeks-leit es geyyich da Rezin sinn ufksetzt geyyich si, un hott iahra feinda ufkshtatt.

Jesoiya 9:12

Di Aramayah funn di east, un di Philishtah funn di west; si henn Israel kfressa mitt iahra meilah uf. Avvah fa awl sell, sei zann lost nett nohch; sei shtrohf-hand is alsnoch naus kshtrekt.

Jesoiya 9:16

Selli es dee leit foah-gayn henn si fafiaht, un selli es eena nohch gayn sinn faloahra.

Jesoiya 9:17

Fasell dutt da Hah sich nett froiya ivvah iahra yungi mennah, un eah davvaht aw nett di kinnah unni eldra un di vitt-veivah, veil alli-ebbah gottlohs un ungerecht is un alli maul shvetzt evili sacha. Avvah fa awl sell, sei zann lost nett nohch, sei shtrohf-hand is alsnoch naus kshtrekt.

Jesoiya 9:20

Si nemma ess-sach uf di rechts seit, un sinn alsnoch hungahrich, si essa alles uf di lings seit, un doch sinn nett satt. Alli-ebbah est's flaysh funn sei ayknah oahm.

Jesoiya 9:21

Da Manasse broviaht da Ephraim fressa, un da Ephraim broviaht da Manasse fressa; avvah di zvay zammah zayla drayya geyyich Juda. Doch fa awl dess, sei zann lost nett nohch, un sei shtrohf-hand is alsnoch naus kshtrekt.

Jeremia 15:2

Un vann si dich frohwa, ‘Vo sella miah anna gay?’ sawk eena, ‘Dess is vass da Hah sawkt: Selli es gezayld sinn fa da doht, loss da doht kumma; selli es gezayld sinn fa's shvatt, loss es shvatt kumma; selli es gezayld sinn fa fahungahra, loss da hungah kumma; selli es gezayld sinn fa kfanga vadda, loss si kfanga vadda.’

Jeremia 37:10

Even vann diah di gans Chaldayah army beeda daydet es am eich fechta is, un's veahra yusht mennah ivvahrich in iahra tents es vay gedu voahra, doch dayda si kumma un dee shtatt nunnah brenna.”

Jeremia 4:8

So doond sekk-glaydah oh un heilet un veinet, fa da shreklich zann fumm Hah is nett vekk gedrayt funn uns.

Hosea 9:12

Even vann diah kinnah uf zeeyet, dann nemm ich si vekk funn eich, biss nimmand ivvahrich is. Vay zu eich, vann ich moll vekk dray funn eich!

3. Mosi 26:17

Ich setz mei ksicht geyyich eich so es eiyah feinda eich nunnah shlauwa. Selli es eich hassa zayla ivvah eich roola, un diah zaylet shpringa even vann nimmand eich nohch kumd.

5. Mosi 32:30

Vee kend's sei es aynah en dausend funn eena yawwa kend, un zvay, zeyya dausend funn eena shpringa macha, vann nett iahra Felsa si fakawft hett, un da Hah si ufgevva hett?