Jesoiya 10:2 - Pennsylvania Dutch Bible

² so es si di evvahsht-hand greeya kenna funn vitt-veivah un kinnah unni eldahra, un so es selli in noht iahra recht nett greeya, un di oahma funn mei leit iahra recht faliahra.

Jesoiya 10:2 Σταυροειδείς Αναφορές

Hiob 31:16

Vann ich ennich ebbes zrikk kohva habb funn di oahma, un habb di awwa funn di vitt-veivah glost shvach vadda,

Psalm 94:6

Si bringa di vitt-fraw un da fremd mann um, un shlauwa doht di kinnah unni eldra.

2. Mosi 23:6

Sei feah mitt oahmi leit vann du helfsht si richta in di court.

Shpricha 22:22

Rawb di oahma nett veil si oahm sinn, un drett selli nett nunnah am richts-doah es in noht sinn;

Shpricha 30:14

selli es zay henn vi shvadda, un iahra zay sinn ksetzt vi messahra, fa di oahma vekk butza funn di eaht, un selli es in noht sinn unnich di leit.

Jesoiya 1:17

Lannet fa recht du, suchet fa leit iahra recht, helfet di nunnah-gedreddana. Shaffet fa's recht funn selli unni eldra, un shtaynd uf fa's recht funn di vitt-veivah.

Jesoiya 1:23

Eiyah roolahs drayya sich geyyich Gott, un shaffa mitt deeb; si gleicha geld hinna rumm nemma, un sucha fa kshenkah. Si shtayn nett uf fa selli unni eldra, un heicha da glawk funn vitt-veivah nett ab.

Jesoiya 29:21

selli es macha es ebbah shuldich is bei iahra vatt, selli es en fall setza fa sellah es gricht vatt am doah, selli es falshi zeiya gevva fa ebbah sei recht vekk nemma.

Jesoiya 3:14

Da Hah gayt in's gericht geyyich di eldishti un foah-gengah funn sei leit. “Diah sind selli es mei vei-goahra fadauva hend, un sell vass grawbt voah funn di oahma is in eiyah heisah.

Jesoiya 3:15

Vass maynet diah bei mei leit nunnah dredda, un bei di oahma iahra ksichtah famawla?” So sawkt da Hah, da Awlmechtich Hah.

Jesoiya 32:6

Sellah unni veisheit sawkt dummi sacha, un sei meind denkt evili sacha. Eah gayt ungettlichi sacha nohch, un sawkt letzi sacha veyyich em Hah, di hungahricha lost eah hungahrich, un funn di dashticha hald eah's vassah vekk.

Jesoiya 5:23

selli es di gottlohsa recht haysa bei geld hinna rumm nemma, un selli es di gerechta iahra recht vekk nemma funn eena.

Jesoiya 5:7

Da vei-goahra fumm Awlmechticha Hah, is es haus funn Israel, un di mennah funn Juda sinn di blansa es eem kfellich sinn. Eah hott gegukt fa leit iahra recht, avvah hott yusht iahra fagossa bloot ksenna; un fa gerechtichkeit, avvah hott si yusht keaht greisha fa hilf.

Jesoiya 59:15

Di voahheit kann nett kfunna sei, un deah es funn evil drayt, dutt sich selvaht in di kfoah. Da Hah hott gegukt, un's hott eem nett kfalla es nimmand may sei recht greeya kann.

Jeremia 7:6

vann diah di fremda, selli unni eldra un di vitt-veivah nett nunnah dreddet, un doond nett unshuldich bloot fageesa an demm blatz, un doond eich nett shawda bei anri gettah nohch gay,

Glawk-Leedah 3:35

bei en mann sei recht zrikk hayva fannich em Awlmechticha,

Ezekiel 22:7

Si henn iahra maemm un daett fa'acht; si drikka di fremda nunnah un yoosa di vitt-veivah un kinnah unni eldra veesht.

Amos 2:6

Dess is vass da Hah sawkt: “Fa di feel sinda funn di leit funn Israel, even fa drei adda fiah, dann dray ich nett vekk funn si shtrohfa. Si fakawfa di gerechta fa geld, un di oahma fa en poah shoo.

Amos 2:7

Si dredda uf di kebb funn di oahma vi uf da shtawb fumm grund un sheeva di aylendicha aus em vayk. Da faddah un sei boo gayn nei zumm sayma maydel, un macha mei heilichah nohma unrein.

Amos 5:19

Es zayld sei es vann en mann am shpringa is funn en layb, un dutt no en beah ohdreffa, adda es vann en mann in sei haus nei gayt, dutt sei hand uf di vand, un en shlang beist een.

Micha 3:1

No habb ich ksawt, “Heichet moll diah foah-gengah funn Jakob, diah es di roolahs sinn im Haus funn Israel. Seddet diah nett vissa vass recht is?

Maleachi 3:5

“No kumm ich zu eich fa eich richta. Un ich zayl shnell zeiya geyyich di zaubahrah, di aybrechah, un geyyich di falshi zeiyah, un geyyich selli es da lohn zrikk hayva funn iahra gnechta, un selli es di vitt-veivah, di kinnah unni eldra un di fremda nunnah dredda—dee es kenn furcht henn funn miah,” sawkt da Awlmechtich Hah.

Matthäus 23:13

Es zayld vay sei zu eich shrift-geleahrah un Pharisayah, diah heichlah, veil diah's Himmel-Reich zu machet zu leit. Diah gaynd nett selvaht nei, un diah alawvet aw nett anri nei vo nei gay vella.