Jeremia 9:4 - Pennsylvania Dutch Bible

⁴ “Gevvet acht veyyich eiyah nochbah un drauwet eiyah broodah nett. Veil alli broodah en fafiahrah is, un alli nochbah kshvetzah shtroit.

Jeremia 9:4 Σταυροειδείς Αναφορές

1. Mosi 32:28

No hott da mann ksawt, “Dei nohma soll nimmi lengah Jakob sei, avvah Israel, veil du kshtreit hosht mitt Gott un mitt mennah un hosht gvunna.”

Psalm 101:5

Ich zayl ennich ebbah shtill macha es hinna rumm shvetzt veyyich sei nochbah. Ich vill nix zu du havva mitt ebbah es grohs-feelich un hohchmeedich is.

Psalm 15:3

Eah drawkt kenn kshvetz mitt sei zung, un dutt nix letzes geyyich sei nochbah, un gebt sei freind kenn shlechtah nohma.

Shpricha 10:18

Veah sei hass fashtekkeld, hott leftz es leeya, un ebbah es kshvetzah shtroit is nett ksheit.

Shpricha 25:18

En mann es falshi zeiya drawkt veyyich sei nochbah, is vi en shpiah, en shvatt adda en shaufah arrow.

Shpricha 4:16

Fa si kenna nett shlohfa biss si evil gedu henn; si sinn fumm shlohf kalda biss si ebbah gmacht henn shtolbahra.

Shpricha 4:17

Si essa's broht funn ungerechtichkeit, un drinka da vei funn gvald.

Shpricha 6:16

Es sinn sex sacha es da Hah hast, un sivva es eah nett shtenda kann:

Shpricha 6:19

En falshah zeiyah es leekt, un ebbah es druvvel uf shtatt unnich breedah.

Jesoiya 59:13

Miah henn uns geyyich da Hah kshteld un een falaykeld, miah henn unsah bikkel gedrayt geyyich unsah Gott. Miah henn anri nunnah gedredda un henn vekk gedrayt funn diah, un henn leeya ksawt es miah uf gmacht henn.

Jesoiya 9:16

Selli es dee leit foah-gayn henn si fafiaht, un selli es eena nohch gayn sinn faloahra.

Jeremia 12:6

Fa even dei breedah un dei aykni family, even si henn dich falossa un shvetza laut geyyich dich. Drau eena nett, even vann si shay shvetza zu diah.

Jeremia 6:28

Si sinn hatt-hatzich un shteibahrich, so hatt es bronze un eisa. Si shtroiya letzi kshvetzah, vi si unrein rumm heah gayn.

Jeremia 9:8

Iahra zung is vi en arrow es doht macht; si shvetzt fa fafiahra. Mitt iahrem maul shvetza si freindlich zu iahra nochbah, avvah in iahra hatz setza si en fall fa een.

Ezekiel 22:9

Dayl funn dei leit sawwa leeya veyyich anri so es si doht gmacht vadda. Si essa an di awldahra uf di berga un doon shandlichi sacha in diah.

3. Mosi 19:16

Du nett kshvetzah drawwa unnich dei leit, un du solsht nix du es dei nochbah sei layva in di kfoah dutt. Ich binn da Hah.

Maleachi 2:10

Henn miah nett awl ay Faddah? Hott nett ay Gott uns kshaffa? So favass fabrecha miah's bund funn unsah foah-feddah bei nett eahlich sei mitt-nannah?

Matthäus 10:17

Avvah veyyich mensha sellet diah eich vatsha. Si zayla eich fannich di Council bringa un eich gayshla in di Yudda gmay-heisah.

Matthäus 10:21

Da broodah gebt sei ayknah broodah ivvah es eah umgebrocht vatt, un da daett sei ayya kind. Un kinnah zayla uf shtay geyyich iahra eldra un zayla di shuld sei es si umgebrocht vadda.

Lukas 21:16

Diah vaddet farohda un ivvah-gedrayt bei eiyah eldra, bei breedah, freindshaft, un eiyah freind, un dayl funn eich vadda doht gmacht.

1. Thessalonicher 4:6

Dess is so es nimmand ivvah-drett un letz dutt zu seim broodah in dee sacha. Da Hah shtrohft leit fa so sacha grawt vi miah eich ksawt henn un eahnshtlich gvand henn.