Jeremia 8:9 - Pennsylvania Dutch Bible

⁹ Eiyah mennah mitt veisheit vadda fashohmd, si zayla engshtlich sei un kfanga vadda. Si henn em Hah sei vatt nunnah gedrayt, so vass fa veisheit henn si nau?

Jeremia 8:9 Σταυροειδείς Αναφορές

2. Kaynicha 17:15

Si henn sei gebodda nunnah gedrayt un's bund es eah gmacht katt hott mitt iahra foah-feddah, un aw di vanninga es eah eena gevva katt hott. Si sinn iahra nix-nutzichi abgettah nohch ganga un sinn selvaht vadda vi si. Si henn gedu vi di heida um si rumm, even noch demm es da Hah eena ksawt katt hott, “Doond nett di sacha es si doon.” Doch henn si di sacha gedu es da Hah si fabodda katt hott fa du.

Hiob 5:12

Eah drayt zu nix selli es shlichtichi sacha du vella, un macht's so es iahra hend's nett ausdrawwa kenna.

Hiob 5:13

Eah fangd selli es mayna si sinn shmeaht mitt iahra aykni shkeems, un da roht funn di fafiahrah vatt kshvind nunnah gedrayt.

Psalm 19:7

Es Ksetz fumm Hah is folkumma, un gebt nei layva zu di sayl. Es zeiknis fumm Hah kann gedraut sei, un gebt veisheit zu selli es nett fashtayn.

Jesoiya 19:11

Di evvahshti funn Zoan sinn nett oahrich ksheit, un em Pharao sei grohsi roht-gevvah, gevva dummah roht. Vi kansht du sawwa zumm Pharao, “Ich binn en mann mitt veisheit, un kumm funn di alda kaynicha heah”?

Jesoiya 29:14

Fasell zayl ich dee leit nochamohl fashtauna, mitt vundah noch vundah. Selli mitt veisheit zayla iahra veisheit faliahra, un da fashtand funn selli mitt goodah fashtand zayld fagay.”

Jesoiya 43:27

Dei foah-faddah hott ksindicht, un dei evvahshti henn geyyich mich kshaft.

Jesoiya 8:20

Zumm ksetz un em zeiknis! Vann si nett shvetza noch demm vatt, dann henn si's licht funn meiyets nett.

Jeremia 15:6

Du vitt nix may vissa funn miah,” sawkt da Hah. “Du bisht abkfalla funn miah, so shtrekk ich mei hand naus ivvah dich un fadaub dich; ich binn's laydich eigevva!

Jeremia 19:7

In demm blatz zayl ich Juda un Jerusalem shtobba funn di sacha du es si ausrichta vella, un mach si falla unnich em shvatt fannich iahra feinda un bei di hend funn selli es iahra layva vekk nemma vella. Ich gebb iahra dohdi leivah fa ess-sach zu di fekkel funn di luft un di diahra uf di eaht.

Jeremia 2:8

Di preeshtah henn nett kfrohkt, ‘Vo is da Hah?’ Selli es acht gevva uf's ksetz henn mich nett gekend; di foah-gengah henn geyyich mich kshaft. Di brofayda henn gebroffetzeit im Baal sei nohma, un sinn abgettah nohch gloffa es nix veaht voahra.

Jeremia 49:7

Veyyich Edom: Dess is vass da Awlmechtich Hah sawkt: “Hott's kenn veisheit may in Theman? Is da roht faloahra ganga unnich di shmeahda? Is iahra veisheit fafauld?

Jeremia 6:15

Doon si sich shemma bei awl dee grausami sacha du? Nay, si henn kenn shohm; iahra ksichtah vadda nett even roht. Si zayla falla unnich di kfallana; si vadda nunnah gebrocht vann ich si moll shtrohf,” sawkt da Hah.

Jeremia 6:19

Heich mich ab, oh eaht: Ich zayl evil uf dee leit bringa, dess is da shtrohf fa iahra shkeems, veil si mei vadda nett abkeicht henn, un mei ksetz nunnah gedrayt henn.

Ezekiel 7:26

Ay shreklichi sach noch di annah zayld kumma un ay shlecht kshvetz noch di annah. Si broviahra en vision greeya fumm brofayt, un's ksetz zayld faloahra sei zumm preeshtah un aw da roht funn di eldishti.

Amos 2:4

Dess is vass da Hah sawkt: “Fa di feel sinda funn di leit funn Juda, even fa drei adda fiah, dann dray ich nett vekk funn si shtrohfa. Veil si em Hah sei ksetz nunnah gedrayt henn, un sei gebodda nett kalda henn, veil si sich fafiahra glost henn bei falshi abgettah, di abgettah es iahra foah-feddah nohch ganga sinn,

Sacharia 13:4

Uf sellem dawk zayld alli brofayt sich shemma veyyich sei visions, un eah dutt nett en hoahrich brofaydes glayt oh fa di leit fafiahra.

5. Mosi 4:6

Haldet si un doond si, fa dess veist eiyah veisheit un fashtand zu di leit vann si heahra veyyich dee gebodda, un si zayla sawwa, “Dess is geviss en hallich folk mitt veisheit un fashtand.”

2. Timotheus 3:15

Un evvah siddah es du en glay kind voahsht, hosht du di Heilich Shrift gvist, dee vo diah veisheit gevva kann zu di saylichkeit deich da glawva in Christus Jesus.