Jeremia 6:7 - Pennsylvania Dutch Bible

⁷ Vi en shpring iahra vassah lawfa lost, so lawft ungettlichkeit aus iahra. Ma heaht di yacht funn shtoft am veeshtahlich fadauva vadda, maddahrei un nunnah-shlauwes dreibt see alli dawk.

Jeremia 6:7 Σταυροειδείς Αναφορές

Shpricha 4:23

Ovvich alles shunsht, heet dei hatz, fa dei layves-lawf kumd funn vass im hatz is.

Jesoiya 1:6

Funn di sohl fumm foos biss nuff uf da kobb, is nix ksundes in eich: yusht vayyi blakka un soahs, un kshveahra es auslawfa. Dee sinn nett gebutzt un uf gebunna, adda vayyich gmacht mitt ayl.

Jesoiya 57:20

Avvah di gottlohsa sinn vi da unruich say, es nett ruich sei kann, un sei vella bringa drekk un mud ruff.

Jesoiya 59:6

Di shpinna neshtah sinn nix veaht fa glaydah; un's sach es si macha dekt si nett zu. Iahra verka sinn evil, un vass si doon, doon si mitt unfashtand.

Jeremia 20:8

Alli-mohl es ich shvetz muss ich naus greisha es heslichi gvald un fadauves am kumma is. Deich sell dutt's vatt Gottes miah yusht faniddahres un shpott bringa.

Jeremia 30:12

Dess is vass da Hah sawkt: ‘Du bisht vay gedu un kansht nett kayld sei, dei vayyah blatz vatt nimmi goot.

Jeremia 30:13

Nimmand shvetzt uf fa dich, dei soah vatt nett kayld, du vasht nimmi ksund.

Jeremia 30:15

Favass glawksht du veil du vay gedu bisht? Dei shmatza kenna nett kshtobt sei. Deich dei grohsi shuld un feel sinda habb ich dee sacha gedu zu diah.

Jeremia 32:31

“Fumm dawk es see gebaut voah biss nau, hott dee shtatt mich fazand un bays gmacht, so nau muss ich see vekk du funn meim ksicht.

Jeremia 8:22

Hott's nix in Gilead fa salba? Is kenn doktah datt? So favass voahra mei leit nett kayld?

Ezekiel 21:29

Diveil es si falshi visions henn, un sich leeya foah-sawwa lossa veyyich diah, vatt's shvatt uf di hels glaykt, un di gottlohsa vadda doht gmacht. Iahra dawk is kumma; di zeit es iahra shtrohf folshtendich kumd.

Ezekiel 24:7

Es bloot es see fagossa hott is alsnoch in di shtatt; see hott's uf en bluddah shtay gleaht; see hott's nett uf da grund gleaht, so es da shtawb's zu dekka kann.

Ezekiel 45:9

Dess is vass da Awlmechtich Hah sawkt: Diah sind veit genunk ganga, diah feddahshti funn Israel! Doond vekk mitt eiyah veeshtah unfashtand un ivvah-dreddes, un doond vass recht un goot is. Heahret uf di heisah un's land vekk nemma funn mei leit, sawkt da Awlmechtich Hah.

Ezekiel 7:11

Unfashtand is ausgvaxa un is en shtamm vadda funn ungettlichkeit. Kens funn eena bleibt ivvahrich, un aw nett iahra feel sacha un geld. Un nimmand zayld heila fa si.

Ezekiel 7:23

Rishtet kedda, veil's land foll bloot-fageeses is un di shtatt foll gvaldichah unfashtand is.

Zephania 3:1

Vay zu di shteibahrich un unrein shtatt es iahra leit nunnah drett.