Jeremia 51:34 - Pennsylvania Dutch Bible

³⁴ “Da Kaynich Nebukadnezar funn Babylon hott uns kfressa, un uns in di shtatt funn Jerusalem umgebrocht, eah hott uns ausgleaht vi en leahrah tsheah. Eah hott uns kshlukt vi en shlang, un hott sei mawwa kfild mitt unsah besht sach, no hott eah's ivvahricha raus kshpautzt.”

Jeremia 51:34 Σταυροειδείς Αναφορές

Hiob 20:15

Eah shpautzt sei reichheit raus es eah kshlukt hott, Gott macht een si ruff bringa aus seim mawwa.

Psalm 74:13

Du hosht da say kshpalda mitt dei graft, un hosht di kebb fabrocha funn di veeshta diahra im vassah.

Shpricha 1:12

vella si levendich shlukka vi da doht dutt, vella si gans shlukka vi's grawb dutt;

Jesoiya 34:11

Avvah da voi un da nacht-owl zayla's aykna, da grohs-owl un di grabb macha iahra neshtah datt. Gott zayld's land funn Edom messa mitt di messa-shnuah funn fadauves, un mitt di plumb-line funn en leahrah blatz.

Jesoiya 42:22

Avvah dess is en leit es grawbt un fashtayld vadda sinn, si sinn awl kfanga vadda in grund-lechah, un fashtekkeld vadda im kfengnis. Si sinn vadda vi kshtohla shtoft, un nimmand kann eena zrikk helfa; si sinn gmacht vadda vi grawbt shtoft, un nimmand sawkt, “Gebb's zrikk.”

Jeremia 50:17

Israel is vi en auskshtroidi drubb, es di layb ausnannah gyawkt henn. Seahsht hott da kaynich funn Assyria si kfressa, un nau's letsht hott da Kaynich Nebukadnezar funn Babylon iahra gnocha getshawt.

Jeremia 50:7

Veah-evvah es si kfunna hott, hott si ufkfressa; iahra feinda henn ksawt, ‘'Sis nett unsah shuld, veil si ksindicht henn geyyich da Hah. Eah is iahra rechtah voon-blatz, da Hah, di hofning es iahra foah-feddah katt henn.’

Jeremia 51:44

Ich zayl Babylon iahra gott Bel shtrohfa; ich mach een raus shpautza vass eah kshlukt hott. Di heida zayla nimmi lengah zu eem lawfa; di mavvahra funn Babylon sinn nunnah kfalla.

Jeremia 51:49

“Babylon muss falla veil see so feel leit funn Israel doht gmacht hott, un aw veil see so feel leit doht gmacht hott ivvah di gans veld.”

Glawk-Leedah 1:1

Vi hokt di shtatt so falossa, es moll so foll leit voah! See is vi en vitt-fraw, es moll grohs voah unnich di heida! See voah vi en kaynich-fraw unnich di lendah, avvah nau is see en deensht-mawt.

Glawk-Leedah 2:16

Awl dei feinda macha iahra meilah uf, grohs uf geyyich dich; si shpodda un beisa iahra zay zammah; si sawwa, “Miah henn see zammah grissa, dess is da dawk es miah gvoaht henn difoah. Nau henn miah glaybt fa's sayna.”

Ezekiel 36:3

So broffetzei un sawk, ‘Dess is vass da Awlmechtich Hah sawkt: Veil si dich faveesht un leah gmacht henn, un dich ivvahrawlich nunnah gedredda henn biss du ivvah-gnumma voahsht bei di heida, un bisht's evil kshvetz vadda funn di leit,

Hosea 8:8

Israel is uf kshlukt bei di heida, see vatt rumm gedrawwa bei eena, vi en shtikk ksha es nimmand vill.

Amos 8:4

Heichet dess, diah es uf leit in di noht dreddet un doond vekk mitt di oahma im land,

Nahum 2:2

(Da Hah zayld di hallichkeit fumm Jakob zrikk bringa, vi di hallichkeit funn Israel, even vann di feinda si faveesht henn, un iahra vei-shtekk fadauva henn.)

Matthäus 23:13

Es zayld vay sei zu eich shrift-geleahrah un Pharisayah, diah heichlah, veil diah's Himmel-Reich zu machet zu leit. Diah gaynd nett selvaht nei, un diah alawvet aw nett anri nei vo nei gay vella.