Jeremia 42:4 - Pennsylvania Dutch Bible

⁴ Da brofayt Jeremia hott ksawt, “Ich habb eich keaht, un ich zayl bayda zumm Hah eiyah Gott vi diah kfrohkt hend. Ich zayl eich alles sawwa es da Hah sawkt un zayl nix zrikk halda funn eich.”

Jeremia 42:4 Σταυροειδείς Αναφορές

Psalm 40:10

Ich habb dei gerechtichkeit nett fashtekkeld kalda in meim hatz; dei shtandhaftichkeit un saylichkeit shvetz ich diveyya, ich hald dei grohsi leevi un voahheit nett funn di grohs fasamling.

2. Mosi 8:29

Da Mosi hott ksawt, “Ich gay naus funn diah vekk. Un ich zayl bayda zumm Hah es di shvoahma funn mukka da Pharao, sei gnechta, un sei leit falossa sella meiya. Yusht loss da Pharao uns nett viddah ohfiahra un di leit nett gay lossa opfahra zumm Hah.”

Jeremia 23:28

Loss da brofayt es en drohm katt hott dess fazayla es yusht en drohm, avvah sellah es mei vatt hott soll's shtandhaftich breddicha. Ma kann shtroh un frucht goot funn-nannah sawwa,” sawkt da Hah.

Jeremia 23:35

In blatz funn sellem, sett alli-ebbah sei nochbah un sei broodah frohwa, ‘Vass fa andvat hott da Hah gevva?’ adda, ‘Vass hott da Hah ksawt?’

Jeremia 26:2

“Dess is vass da Hah sawkt: Shtay im foah-hohf fumm Hah sei haus un shvetz zu awl di shtett funn Juda es kumma fa Gott deena im Hah sei haus. Sawk eena alles es ich dich gebodda habb. Fafayl nett ay vatt!

Ezekiel 2:7

Du solsht mei vadda sawwa zu eena eb si si abheicha adda nett, fa si sinn shteibahrich.

Di Apostelgeschichte 20:20

Ich habb nix zrikk kalda es goot voah fa eich zu vissa. Ich habb's zu eich ksawt un habb eich gland fannich awl di leit un funn haus zu haus.

Di Apostelgeschichte 20:27

Fa ich habb nett zrikk kohva funn eich alles sawwa veyyich em villa Gottes.

Römer 10:1

Leevi breedah, mei hatzlichah vinsh un gebayt zu Gott fa di leit funn Israel is es si saylich vadda dayda.

1. Samuel 12:23

Un veyyich miah selvaht, es soll selayva nett sei es ich sindich geyyich da Hah bei ufheahra bayda fa eich. Ich zayl ohhalda eich lanna vass da goot un recht vayk is.