Jeremia 39:4 - Pennsylvania Dutch Bible

⁴ Vo da Zedekia, da kaynich funn Juda, un awl sei greeks-gnechta si ksenna henn, henn si sich fabutzt. Si sinn aus di shtatt ganga nachts deich em kaynich sei goahra un deich's doah zvishich di zvay vanda. No sinn si naus geyyich di Jordan Valley ganga.

Jeremia 39:4 Σταυροειδείς Αναφορές

2. Chronik 32:5

Da Hiskia voah gedrohsht un hott di fabrochana bletz in di mavvahra ufgebaut un hott tavvahs druff gebaut. Eah hott noch en mavvah ausa drumm rumm gebaut un hott di Millo fashteikt in di Shtatt fumm Dawfit. Eah hott aw feel greeks-ksha un shields gmacht.

Jesoiya 22:11

Diah hend en vassah-loch gmacht zvishich di zvay vanda, fa's vassah aus em alda vassah-loch shtoahra. Avvah diah hend eich nett falossa uf sellah es es gmacht hott, un hend sellah nett gacht es es auskshaft hott lang zrikk.

Jesoiya 22:3

Awl eiyah foah-gengah sinn mitt-nannah difunn kshprunga, si voahra fesht gnumma unni iahra bow sheesa. Awl diah es kfanga voahret, voahra mitt-nannah fesht gnumma, even vann diah veit vekk kshprunga sind.

Jesoiya 29:2

Avvah doch gebb ich Ariel angsht, un's gebt heiles un yammahres; di shtatt zayld sei vi en rechtah Ariel zu miah.

Jeremia 32:4

Da Kaynich Zedekia funn Juda kumd nett vekk funn di Chaldayah, avvah eah zayld ivvah-gevva sei zumm kaynich funn Babylon. Eah zayld shvetza zu eem, ksicht zu ksicht un zayld een sayna mitt sei aykni awwa.

Jeremia 32:5

Eah zayld da Zedekia an Babylon nemma un eah zayld datt bleiva biss ich een psuch, sawkt da Hah. Vann du geyyich di Chaldayah fechsht zaylsht du faliahra.’”

Ezekiel 12:12

Da kaynich unnich eena zayld sei sach uf sei shuldah du im dunkla un naus gay. En loch vatt gegrawva in di vand so es eah deich gay kann. Eah zayld sei awwa zu dekka so es eah's land nett sayna kann mitt sei awwa.

Ezekiel 12:4

Deich da dawk diveil es si vatsha bring dei sach raus es grisht hosht vi en kfanganah. No ohvets, diveil es si vatsha gay naus vi aynah es kfanga is un am vekk gnumma vadda is.

3. Mosi 26:17

Ich setz mei ksicht geyyich eich so es eiyah feinda eich nunnah shlauwa. Selli es eich hassa zayla ivvah eich roola, un diah zaylet shpringa even vann nimmand eich nohch kumd.

3. Mosi 26:36

Un fa selli funn eich es ivvahrich sei zayla, mach ich iahra hatza sich so feicha in di lendah funn iahra feinda, es si shpringa vann da vind en lawb-blatt blohst. Si zayla shpringa vi ebbah am shpringa fumm shvatt un zayla falla, even vann nimmand eena nohch is.

Amos 2:14

Da kshvind zayld nett vekk kumma, da shteik faliaht sei grefta, un da mechtich greeks-gnecht kann sei layva nett halda.

5. Mosi 28:25

Da Hah macht eiyah feinda eich shlauwa. Diah gaynd geyyich si ay vayk un zaylet sivva vayya shpringa funn eena. Un diah zaylet fashtroit vadda unnich awl di kaynich-reicha uf di eaht.