Jeremia 10:12 - Pennsylvania Dutch Bible

¹² Gott hott di eaht gmacht mitt sei graft; eah hott di veld gmacht deich sei veisheit, un di himla deich sei fashtand.

Jeremia 10:12 Σταυροειδείς Αναφορές

1. Mosi 1:1

Am ohfang hott Gott da himmel un di eaht kshaffa.

1. Mosi 2:5

Nau es voahra noch kenn baym fumm feld uf di eaht, un's voahra noch kenn blansa fumm feld uf kumma. Fa Gott da Hah hott noch kenn reyya uf di eaht kshikt katt, un's voah noch kenn mensh fa's land shaffa.

1. Chronik 16:26

Fa awl di gettah funn di heida sinn abgettah, avvah da Hah hott di himla gmacht.

Hiob 26:7

Eah shtrekt da himmel in di natt naus ivvah's leahra, un henkt di eaht uf nix.

Hiob 37:18

kansht du eem helfa da himmel ausshtrekka, un en so hatt macha es en gegossanah shpikkel.

Hiob 9:8

Eah laynich dutt di himla ausshtrekka, un drett di vella fumm say nunnah.

Psalm 104:2

Du deksht dich zu mitt licht es vi mitt glaydah; du shtreksht da himmel aus vi en curtain;

Psalm 104:24

Oh Hah, vi feel sinn dei verka, in dei veisheit hosht du si awl gmacht. Di eaht is foll mitt dei levendichi sacha.

Psalm 119:90

Dei shtandhaftichkeit shtayt fa'immah un immah, du hosht di eaht fesht gegrund un si bleibt shtay.

Psalm 24:2

Eah hott di eaht gegrund uf em deef vassah fumm say, un hott si uf di revvahra ksetzt.

Psalm 33:6

Da himmel voah gmacht bei's vatt fumm Hah, un alles es drinn is bei da ohften funn seim maul.

Psalm 65:7

du es di yacht fumm say shtill machsht, di yacht funn di vella, un's rawsicha funn di mensha.

Psalm 78:69

Eah hott sei tempel hohch gebaut vi di himla, vi di eaht es eah kshaffa hott fa'immah.

Psalm 93:1

Da Hah is kaynich, un is geglayt in hallichkeit; da Hah is geglayt in hallichkeit un ohgedu mitt graft. Eah hott di veld fesht gegrund un see kann nett gmooft sei.

Shpricha 3:19

Bei veisheit hott da Hah di eaht kshaffa, un bei sei eisicht hott eah di himla in iahra blatz gedu.

Shpricha 30:4

Veah is nuff in da himmel ganga un viddah runnah kumma? Veah hott da vind zammah gegeddaht in sei hend? Veah hott di vassahra in en glayt gvikkeld? Veah hott ausgmacht vo di endah funn di eaht sei sella? Vass is sei nohma, un vass is seim Sohn sei nohma? Vaysht du dess?

Jesoiya 37:16

“Oh Almechtichah Hah, da Gott funn Israel, du es zvishich di cherubim hoksht, du laynich bisht da Gott ivvah awl di kaynich-reicha funn di eaht. Du hosht da himmel un di eaht gmacht.

Jesoiya 40:22

Eah hokt ovvich em ring funn di eaht, un di leit uf di eaht sinn vi hoi-shrekka. Eah shtrekt da himmel aus vi en curtain, vi en tent es leit drinn voona.

Jesoiya 42:5

Dess is vass Gott da Hah sawkt, deah es di himla kshaffa hott, un es si auskshtrekt hott; deah es di eaht gmacht hott, un alles es aus iahra kumd; deah vo di leit ohften gebt uf di eaht, un da geisht gebt zu selli es drinn lawfa:

Jesoiya 44:24

“Dess is vass da Hah sawkt— deah es dich saylich macht, un dich kshaffa hott in di muddahs-leib: Ich binn da Hah, deah es alles gmacht hott, deah laynich es di himla auskshtrekt hott, deah es di eaht ausglaykt hott gans laynich,

Jesoiya 45:12

'Sis mich es di eaht gmacht hott, un ich habb di leit kshaffa es drinn sinn. Mei aykni hend henn di himla auskshtrekt, un ich hayb di shtanna im blatz.

Jesoiya 45:18

Dess is vass da Hah sawkt, deah es di himla kshaffa hott, eah is da Gott es di eaht kshaybt un gmacht hott, un es see gegrund hott. Eah hott see nett gmacht fa leah sei, avvah so es leit drinn sei sella. Eah sawkt, “Ich binn da Hah, un's hott kenn anrah.

Jesoiya 48:13

Mei aykni hand hott di eaht gegrund, un mei rechtsi hand hott di himla auskshtrekt; vann ich si roof, shtayn si awl zammah uf.

Jesoiya 49:8

Dess is vass da Hah sawkt: “An di zeit funn gnawt havvich diah andvat gevva, un am dawk funn di saylichkeit havvich diah kolfa. Ich zayl dich heeda un macha es du en bund bisht zu di leit, fa's land zrikk nemma, un's fadauva land fadayla unnich di eahvah.

Jeremia 10:13

Vann sei shtimm shvetzt, dann doon di vassahra ovvich em himmel roahra; eah macht di volka uf kumma fumm end funn di eaht. Eah shikt gviddah mitt em reyya, un bringd da vind aus sei shtoah-heisah.

Jeremia 10:16

Da Gott fumm Jakob is nett vi dee; eah is sellah es alles kshaffa hott, un eah hott's kshlecht funn Israel, sei aykni leit gmacht. Sei nohma is da Awlmechtich Hah!

Jeremia 14:22

Hott's ennichi abgettah unnich di heida es reyya bringa kenna? Kenna di himla selvaht reyya runnah shikka? Nay, 'sis dich, oh Hah unsah Gott. Fasell is unsah hofning in diah, fa du bisht sellah es awl dee sacha dutt.

Jeremia 27:5

Mitt mei grohsi graft un naus kshtrektah oahm habb ich di eaht, di leit un di diahra es druff sinn gmacht, un ich gebb si zu ennich ebbah es ich vill.

Jeremia 32:17

Oh Hah unsah Gott, du hosht da himmel un di eaht gmacht mitt dei grohsi macht un dei auskshtrektah oahm. Nix is zu hatt fa dich.

Sacharia 12:1

Dess is es vatt fumm Hah veyyich Israel. Da Hah, deah es di himla auskshtrekt hott, deah es di mavvah funn di eaht gmacht hott un es da ohften in da mensh gedu hott—sellah Hah sawkt:

Johannes 1:3

Deich een voah alli-ebbes gmacht, un unni deich een voah nix gmacht es gmacht is.

Kolosser 1:16

Fa bei eem is alles kshaffa vadda es im Himmel un uf di eaht is, dess vass ma sayna kann un vass ma nett sayna kann. Es macht nix aus eb's geishtlichi kaynich-shteel sinn adda geishtlichi kaynicha, adda geishtlichi ivvah-saynah, adda selli mitt geishtlichi gvald—awl di sacha voahra kshaffa bei eem un fa een.