Jeremia 1:9 - Pennsylvania Dutch Bible

⁹ No hott da Hah sei hand naus glangd, hott mei maul ohgraykt un hott ksawt, “Gukk moll, ich habb mei vadda in dei maul gedu.

Jeremia 1:9 Σταυροειδείς Αναφορές

Jesoiya 49:2

Eah hott mei maul gmacht vi en shauf shvatt; eah hott mich fashtekkeld im shadda funn sei hand. Eah hott mich in en shaufah arrow gmacht, un hott mich fashtekkeld in sei arrow-sakk.

Jesoiya 50:4

Gott da Hah hott miah di zung gevva funn selli es gland sinn, fa vissa vels vatt es selli helft es matt sinn. Eah vekt mich uf alli meiya, eah vekt mei oah uf fa heahra vi aynah es am lanna is.

Jesoiya 51:16

Ich habb mei vadda in dei maul gedu, un dich fashtekkeld im shadda funn mei hand. Ich habb di himla in da blatz gedu un da grund glaykt fa di eaht, un binn sellah es sawkt zu Zion, ‘Diah sind mei leit.’”

Jesoiya 59:21

“Dess is mei bund es ich mach mitt eena,” sawkt da Hah. “Mei Geisht es uf diah is, un mei vadda es ich in dei maul gedu habb, zayla dei maul nett falossa, un aw nett di meilah funn dei kinnah, adda di meilah funn dei nohch-kummashaft nau un fa'immah,” so sawkt da Hah.

Jeremia 15:19

Nau dess is vass da Hah sawkt: “Vann du dich zrikk draysht zu miah, dann nemm ich dich viddah zrikk, un du kansht viddah mei deenah sei; vann du sacha shvetsht es diveaht sinn, un nett sacha es nix veaht sinn, dann daufsht du viddah shvetza fa mich. Di leit zayla zu diah drayya, avvah du musht nett zu eena drayya.

Jeremia 34:6

No is da brofayt Jeremia ganga un hott awl sell ksawt zumm Zedekia, da kaynich funn Juda, in Jerusalem.

Jeremia 36:2

“Nemm en buch un shreib awl di vadda nei es ich ksawt habb veyyich Israel, Juda un awl di anra lendah, siddah es ich ohkfanga habb shvetza zu diah an di zeit fumm Josia biss nau.

Jeremia 5:14

Fasell sawkt da Hah, da Awlmechtich Gott; “Veil di leit selli vadda ksawt henn, dann mach ich mei vadda in deim maul vi en feiyah, un dee leit vi's hols es es feiyah ufbrend.”

Ezekiel 3:10

Un eah hott ksawt zu miah, “Mensha-kind, nemm awl mei vadda in dei hatz es ich sawk zu diah un heich goot ab.

Daniel 10:10

No hott en hand mich ohgraykt un hott mich uf mei hend un gnee gedu diveil es ich am ziddahra voah.

Daniel 10:16

No hott aynah es gegukt hott vi en mensh mei leftz ohgraykt. Ich habb no mei maul uf gmacht un habb kshvetzt. Ich habb ksawt zu sellah es fannich miah kshtanna hott, “Mei hah, veil ich selli vision ksenna habb binn ich gans engshtlich, ich habb kenn grefta ivvahrich.

4. Mosi 23:5

Da Hah hott en vatt im Bileam sei maul gedu un hott ksawt, “Gay zrikk zumm Balak un sawk eem dess.”

Matthäus 10:19

Avvah vann si eich ivvah-gevva doon, sella diah nett angsht havva veyya vass zu sawwa adda vi fa shvetza. Es zayld eich gevva vadda an selli zeit vass diah sawwa sellet.

Markus 7:33

Jesus hott no da mann vekk gnumma funn di ivvahricha leit vo si laynich voahra, un hott sei fingah in sei oahra gedu. No hott eah kshpautzt un hott em mann sei zung ohgraykt,

Lukas 12:12

Fa da Heilich Geisht vatt eich lanna in selli datt shtund vass zu sawwa.”

Lukas 21:15

Fa ich gebb eich veisheit, un du di vadda in eiyah meilah so es selli vo geyyich eich sinn, un eich viddah-shtand gevva, nett falaykla kenna vass diah sawwet.

5. Mosi 18:16

Dess is vass diah da Hah eiyah Gott kfrohkt hend difoah an Horeb uf em dawk es diah zammah kumma sind un hend ksawt, “Loss uns nimmi di shtimm fumm Hah unsah Gott heahra, adda dess grohs feiyah may sayna, so es miah nett shteahva.”

5. Mosi 18:17

No hott da Hah ksawt, “Vass si sawwa is goot.

5. Mosi 18:18

Ich zayl eena en brofayt shikka vi dich selvaht aus iahra aykni leit; ich zayl mei vadda in sei maul du, un eah zayld eena alles sawwa es ich foddah funn eem.