Hohches Leet 4:15 - Pennsylvania Dutch Bible

¹⁵ Du bisht en goahra shpring, en brunna mitt frish vassah am runnah lawfa funn Lebanon.

Hohches Leet 4:15 Σταυροειδείς Αναφορές

Psalm 46:4

Es hott en revvah, un iahra grikka macha di shtatt funn Gott froh, selli heilich shtatt vo da Alli-Haychsht voond.

Shpricha 5:16

Sedda dei shpringa ivvah-lawfa in di shtrohsa, un's vassah in da shtatt-shkveah?

Shpricha 5:18

So sei zufridda un ksaykend mitt deim brunna, un froi dich mitt di fraw es du yung keiyaht hosht.

Breddichah 2:6

Ich habb vassah damma gmacht fa awl di greena baym vessahra.

Hohches Leet 4:12

Mei shveshtah, mei hochtzich-maydel, du bisht en zu kshlossanah goahra, en kshlossanah goahra, en zu gedekti shpring.

Jesoiya 58:11

Da Hah zayld eich immah fiahra, eich satt macha in drukkani bletz, un eiyah gnocha shteik halda. Diah zaylet sei vi en gvessahdah goahra, vi en shpring es nee nett drukka gayt.

Jeremia 17:13

Oh Hah, du bisht di hofning funn Israel, awl selli es dich falossa, missa sich shemma. Selli es vekk drayya funn diah, greeya iahra nohma in da shtawb kshrivva, veil si da Hah falossa henn, deah es di shpring funn ayvich vassah is.

Jeremia 2:13

“Fa mei leit henn zvay moll ksindicht: Si henn mich falossa— di shpring funn levendich vassah— un si henn sich sistahns gegrawva, fabrochani sistahns, es kenn vassah hayva.

Sacharia 14:8

Uf sellem dawk zayld levendich vassah aus Jerusalem lawfa. Dihelft lawft in da say in di east, un dihelft in da say in di west; dess zayld im summah sei un aw im vindah.

Johannes 4:10

Jesus hott iahra no ksawt, “Vann du visht vass Gottes kshenk veah, un veah am sawwa is, ‘Gebb miah en drink,’ daytsht du een frohwa, un eah dayt diah levendich vassah gevva.”

Johannes 4:14

avvah veah's vassah drinkt es ich eem gebb, vatt nee nimmi dashtich; es vassah vass ich eem gebb vatt en shpring in eem es ivvah-lawft zu ayvich layva.”

Johannes 7:38

Deah vo an mich glawbt, vi di Shrift ksawt hott, ‘Aus seim leib zayla revvahra lawfa mitt levendich vassah.’”

Di Offenbarung 22:1

No hott da engel miah en revvah fumm vassah funn layva gvissa. Eah voah so kliah es crystal-glaws. Deah revvah is fumm kaynich-shtool funn Gott un em Lamm kumma,