Hohches Leet 2:4 - Pennsylvania Dutch Bible

⁴ Eah fiaht mich in's grohs essa-haus, un sei shadda ivvah mich is leevi.

Hohches Leet 2:4 Σταυροειδείς Αναφορές

Esther 7:7

Da kaynich is no ufkshtanna un voah gleedich bays. Eah hott da dish falossa un is naus in da goahra fumm kaynich-haus ganga. Avvah da Haman is datt geblivva fa di Kaynich-Fraw Esther bedla, so es see een hald funn doht gmacht sei. Dess voah veil eah ksenna hott es da kaynich shund ausgmacht hott vass eah du zayld.

Hiob 1:10

Hosht du nett sei haus un alles es eah hott umringd un aus shawda kalda? Du hosht di eahvet funn sei hend ksaykend un vass eah aykend hott sich fameaht gans ivvah's land.

Psalm 20:5

Miah singa mitt frayt vann eah diah hilf gebt, un im nohma funn unsah Gott hayva miah unsah flag uf. Ich vinsh es da Hah diah alles gebt es du frohksht difoah.

Psalm 60:4

Du hosht selli es dich firchta gvand, so es si vekk kenna fannich em bow. (Sela)

Psalm 84:10

'Sis bessah fa ay dawk im hohf funn deim haus sei, es en dausend eiyets shunsht. Ich vett leevah en deah-heedah sei in mei Gott sei haus, es vi in di tents funn di gottlohsa voona.

Hohches Leet 1:1

Es alli-shensht leet fumm Solomon.

Hohches Leet 1:4

Nemm mich vekk mitt diah—vella kshvind gay! Mei kaynich hott mich in sei shtubb gebrocht. Miah froiya uns un sinn fraylich ivvah dich; miah preisa dei leevi may es vei. Di ufrichticha leeva dich.

Hohches Leet 5:1

Ich binn in mei goahra kumma, mei shveshtah, mei hochtzich-maydel; ich habb myrrhe un shpeis zammah ksammeld. Ich habb mei hunnich-rohsa un mei hunnich gessa, un habb mei vei un millich gedrunka. Esset, diah es unsah freind sind; drinket biss diah foll sind, diah es nannah leeb hend.

Hohches Leet 6:4

Du bisht so shay es di shtatt Thirza, mei beleebdi, so leeblich es Jerusalem un shreklich vi en drubb greeks-gnechta.

Jesoiya 11:10

Un's zayld zu kumma in sellah dawk, es di Vatzel fumm Jesse raus shtayt es en zaycha zu di leit, un di heida zayla sich zu eem gevva, un sei roo-blatz zayld hallich sei.

Di Offenbarung 3:20

Gukk moll, ich shtay an di deah un globb oh, vann ennich ebbah mei shtimm heaht un macht di deah uf, dann kumm ich nei zu eem un ess mitt eem, un eah mitt miah.