Hohches Leet 1:5 - Pennsylvania Dutch Bible

⁵ Ich binn shvatz, avvah doch leeblich, diah yungi mayt funn Jerusalem, vi di tents funn Kedar, un di tent-curtains fumm Solomon.

Hohches Leet 1:5 Σταυροειδείς Αναφορές

Psalm 120:5

Es is miah vay, es ich voona muss unnich eich in Mesech, un in di tents funn Kedar.

Psalm 149:4

Fa da Hah hott blesiah in sei leit, eah dekt di daymeedicha ivvah mitt saylichkeit.

Psalm 45:9

Em kaynich sei mayt sinn gnumma fa selli unnich dei hohch-gachti veibsleit sei, un an dei rechtsi seit shtayt di kaynich-fraw gedekt mitt gold funn Ophir.

Psalm 90:17

Loss di gnawt fumm Hah unsah Gott uf uns sei, sayken di eahvet es miah doon mitt unsah hend, yau, sayken di eahvet funn unsah hend.

Hohches Leet 2:14

Mei daub datt zvishich di felsa, datt vo du dich fashtekkelsht am hivvel nohch, veis miah dei ksicht, loss mich dei shtimm heahra; fa dei shtimm is so sees, un dei ksicht so shay.

Hohches Leet 2:7

Diah yungi mayt funn Jerusalem, ich frohk eich im nohma funn di hash un vildi diahra im feld, es diah di leevi nett ufvekket un fahinnahret biss es di leevi kfellich is.

Hohches Leet 3:10

Di poshta sinn gmacht funn silvah; un da bodda is gmacht funn gold. Da sitz is ivvah-gezowwa mitt purpel duch, un di yunga mayt funn Jerusalem henn's alles shay gmacht inseit.

Hohches Leet 3:5

Diah yungi mayt funn Jerusalem, ich frohk eich, im nohma funn di hash un di vilda diahra im feld, es diah dee leevi nett ufvekket un fahinnahret biss es di leevi kfellich is.

Hohches Leet 4:3

Dei leftz sinn vi en roht hoah-band; dei maul is shay un leeblich. Dei bakka zvishich dei hoah-zebba sinn vi halvi grannat-ebbel.

Hohches Leet 5:16

Sei maul is sees un alles an eem is leeblich. Dess is mei beleebdah, mei freind, diah yungi mayt funn Jerusalem.

Hohches Leet 5:8

Oh yungi mayt funn Jerusalem, ich frohk eich, vann diah mei beleebdah finnet, sawwet eem es ich matt binn mitt leevi fa een.

Hohches Leet 6:4

Du bisht so shay es di shtatt Thirza, mei beleebdi, so leeblich es Jerusalem un shreklich vi en drubb greeks-gnechta.

Hohches Leet 8:4

Diah yungi mayt funn Jerusalem, ich frohk eich es diah di leevi nett ufvekket un fahinnahret, biss es di leevi kfellich is.

Jesoiya 21:16

Dess is vass da Hah ksawt hott zu miah: “In di zeit funn ay yoah, so vi en gnecht di zeit zayld, dann zayld di hallichkeit funn Kedar gans unnah gay.

Jesoiya 53:2

Eah is ufgvaxa fannich eem vi en blansa, vi en vatzel in drukkanah grund. Eah voah nett shay adda hohch-eahlich es miah een ohgukka sedda. Nix fa een ohgukka sett uns zu eem zeeya. Miah sedda nett zu eem gezowwa sei bei een ohgukka.

Jesoiya 60:7

Awl di shohf-drubba funn Kedar fasamla sich zu diah, di shohf-bekk funn Nebajoth zayla dich deena; si vadda ohgnumma uf meim awldah un ich zayl mei hallich haus shay macha.

Jesoiya 61:10

Ich froi mich oahrich im Hah, un mei sayl is fraylich in meim Gott. Fa eah hott mich geglayt mitt glaydah funn saylichkeit, un mich ohgezowwa mitt en leib-rokk funn gerechtichkeit, so vi en hochtzich-mann en blumma-krohn uf da kobb dutt, un en hochtzich-maydel keshtlichi shtay an sich henkt.

Ezekiel 16:14

Du voahsht so shay es du bekand vadda bisht difoah zu di heida, un dei shayheit voah gans folkumma deich da shmukk es ich an dich gedu habb,’ sawkt da Awlmechtich Hah.

Ezekiel 27:21

Arabia un awl di feddahshti funn Kedar henn kandeld mitt diah mitt lemmah, shohf-bekk un gays.

Matthäus 10:25

Es is genunk fa da yingah sei vi sei meishtah, un da gnecht vi deah es een aykend. Vann si da meishtah fumm haus Beelzebub kaysa henn, vi feel may zayla si di anra im haus aw so haysa.

Matthäus 22:11

Avvah vo da kaynich kumma is fa di leit ivvah-gukka, hott eah en mann ksenna es kenn hochtzich glaydah oh katt hott.

Lukas 13:34

Oh Jerusalem, Jerusalem, du vo di brofayda doht machsht, un shtaynichsht selli vo zu diah kshikt sinn! Vi oft havvich vella dei kinnah zammah geddahra vi en glukk iahra beeblen unnich iahra flikkel dutt, avvah du hosht nett vella!

Lukas 15:22

Avvah da faddah hott ksawt zu sei shaff-leit, ‘Bringet kshvind di beshta glaydah un doond eem si oh. Doond en ring uf sei fingah un shoo an sei fees,

Römer 13:14

Avvah doond da Hah Jesus Christus ohzeeya, un doond nett fanna naus denka veyyich em nadiahlicha mensh, adda fa sei lusht ausfiahra.

2. Korinther 5:21

Fa eah hott een gmacht sinda sei fa uns, deah vo kenn sinda katt hott, so es miah in eem di gerechtichkeit funn Gott vadda kenna.

Galater 4:26

Avvah's Jerusalem funn ovva-heah is frei. Dess is di muddah funn uns awl.

Epheser 5:26

Dess voah so es eah see heilich un rein macha kann bei see vesha mitt vassah deich's Vatt,

1. Johannes 3:1

Saynet vi grohs es di leevi is es da Faddah uf uns gedu hott, es miah Gott sei kinnah kaysa sei sedda. Fasell kend di veld uns nett, veil see een nett gekend hott.