Hiob 5:9 - Pennsylvania Dutch Bible

⁹ Eah dutt grohsi un unbegreiflichi sacha, vundahra es nett gezayld sei kenna.

Hiob 5:9 Σταυροειδείς Αναφορές

Hiob 10:16

Vann ich mei kobb uf hayb, dann hundsht du mich vi en layb, un veisht viddah dei vundahboahri macht geyyich mich.

Hiob 13:1

“Mei awwa henn awl dess ksenna; mei oahra henn's keaht un's fashtanna.

Hiob 37:14

Nau heich moll, Hiob, shtobb un denk ivvah di vundahboahri sacha funn Gott.

Hiob 37:16

Vaysht du vi di volka sich ausnannah shtroiya, di verka funn demm es alles fashtayt?

Hiob 37:5

Gott sei shtimm dimmeld in vundahboahri vayya, eah dutt grohsi sacha es miah nett fashtay kenna.

Hiob 42:3

Du hosht kfrohkt, ‘Veah is dess es mei roht fashtekkeld unni fashtand?’ Ich habb geviss kshvetzt veyyich sacha es ich nett fashtanna habb, sacha es zu vundahboah sinn fa mich zu fashtay.

Hiob 9:10

Eah dutt grohsi sacha es nett begreiflich sinn, un vundahra es nett gezayld sei kenna.

Psalm 139:18

Vann ich si zayla vett, veahra si may es da sand. Vann ich uf vekk, dann binn ich alsnoch bei diah.

Psalm 145:3

Da Hah is grohs, un is es veaht fa gepreist sei; sei grohsi eah is unbegreiflich.

Psalm 40:5

Feel, oh Hah mei Gott, sinn di vundahboahri sacha es du gedu hosht, un aw dei gedanka veyyich uns. 'Sis nimmand gleich zu diah. Vann ich dee sacha sawwa un fazayla vett, veahra si zu feel fa zayla.

Psalm 40:6

Shlacht-opfahra un shpeis-opfahra sinn diah nett kfellich, avvah mei oahra hosht du uf gmacht. Brand-opfahra un sind-opfahra hosht du nett kfrohkt difoah.

Psalm 72:18

Ksaykend is Gott da Hah, da Gott funn Israel; yusht eah laynich dutt vundahboahri sacha.

Psalm 86:10

Du bisht grohs un dusht vundahboahri verka; du laynich bisht Gott.

Breddichah 3:11

Eah hott alles shaynes gmacht an di recht zeit. Eah hott aw di ayvichkeit in mensha iahra hatza ksetzt, avvah doch kann da mensh nett vissa vass Gott gedu hott fumm ohfang biss an's end.

Jesoiya 40:28

Doond diah nett vissa? Hend diah nett keaht? Da Hah is da ayvich Gott, deah es di endah funn di eaht kshaffa hott. Eah vatt nett shvach adda meet, nimmand kann begreifa vi eah sach fashtayt.

Römer 11:33

Vi deef is doch di reichheit, di veisheit un di eisicht funn Gott. Nimmand kann sei richtes fashtay, un nimmand kann sei vayya ausfinna.