Hiob 2:3 - Pennsylvania Dutch Bible

³ No hott da Hah ksawt zumm Satan, “Hosht du acht katt funn meim gnecht da Hiob? 'Sis nimmand uf di eaht vi een. Eah is unshuldich un ufrichtich, en mann es Gottes-furcht in sich hott, un sich vekk hald funn evil. Du hosht mich nei kshvetzt fa dich lossa een fadauva unni uahsach, avvah eah is alsnoch shtandhaftich.”

Hiob 2:3 Σταυροειδείς Αναφορές

1. Mosi 6:9

Dess is di nohch-kummashaft fumm Noah: Da Noah voah en gerechtah mann un unshuldich an sei zeit. Da Noah hott en gettlich layva kfiaht un is gloffa mitt Gott.

2. Samuel 20:20

“Veit funn sellem,” hott da Joab ksawt, “Ich dayt selayva nett nunnah reisa adda fadauva!

Hiob 1:1

Es voah en mann es Hiob kaysa hott es im land funn Uz gvoond hott. Deah mann voah unshuldich un ufrichtich; eah hott Gottes-furcht katt un hott sich vekk kalda funn evil.

Hiob 1:11

Shtrekk dei hand naus un shlakk alles es eah hott, un eah zayld dich geviss faflucha in dei ksicht.”

Hiob 1:6

Es voah moll ay dawk vo di kinnah funn Gott sich fasammeld henn fannich em Hah es da Satan aw kumma is unnich si.

Hiob 1:8

Da Hah hott no ksawt zumm Satan, “Hosht du acht katt funn meim gnecht da Hiob? 'Sis nimmand uf di eaht vi een. Eah is unshuldich un ufrichtich, en mann es Gottes-furcht in sich hott, un sich vekk hald funn evil.”

Hiob 13:15

Even vann eah mich doht macht, doch doon ich mei hofning in een, un zayl mei vayk fa'andvadda fannich sei ksicht.

Hiob 2:2

Da Hah hott no da Satan kfrohkt, “Vo kumsht du bei?” Da Satan hott andvat gevva zumm Hah un hott ksawt, “Ich binn kumma funn zrikk un faddi lawfa ivvah di eaht.”

Hiob 2:4

Da Satan hott ksawt zumm Hah, “Haut fa haut. En mann gebt alles es eah hott fa sei ayya layva.

Hiob 9:17

Eah dayt ivvah mich foahra mitt en shtoahm, un dayt mei vayyi blakka noch shlimmah macha unni uahsach.

Hiob 9:20

Vann ich sawk es ich gerecht binn, doch dutt mei ayya maul mich fadamma, diveil es ich unshuldich binn, dutt eah mich alsnoch shuldich hayva.

Psalm 26:1

Shaff's recht aus fa mich, oh Hah, fa ich habb en unshuldich layva kfiaht, un ich habb mei hofning in dich gedu unni zveifla.

Psalm 37:37

Nemm acht fumm unshuldicha mann, un vatsh sellah es eahlich is. Fa da mann mitt fridda zayld nohch-kummashaft havva.

Psalm 41:12

Du hosht mich uf kohva veil ich du vass recht is un shtelsht mich ayvichlich fannich dich.

Shpricha 11:8

Da gerecht mensh is aus di kfoah kalda funn druvvel, un's kumd uf da gottlohs in seim blatz.

Shpricha 13:6

Di gerechtichkeit heet di ufrichticha, avvah ungettlichkeit macht di sindah falla.

Shpricha 14:2

Sellah es ufrichtich lawft fircht da Hah, avvah sellah mitt grummi vayya fa'acht een.

Shpricha 15:8

Es opfah funn di gottlohsa is grauslich zumm Hah, avvah di gebaydah funn di ufrichticha sinn eem kfellich.

Shpricha 16:17

Da vayk funn di ufrichticha drayt vekk funn evil, un veah sei vayk vatsht hald sei layva.

Johannes 9:3

Jesus hott eena ksawt, “Deah mann hott nett ksindicht un aw nett sei eldra, avvah eah voah so geboahra es Gott sei verka gvissa vadda kenna deich een.

Philipper 3:12

Nett es ich dess shund glangd habb adda es ich shund folkumma binn, avvah ich binn am's nohch gay, so es ich hohld nemma kann un's mei macha—sell vass Christus Jesus aw hohld gnumma hott an miah.

Jakobus 1:12

Ksaykend is da mann vo di fasuchung deich macht. Fa vann eah's geduldich deich macht, dann grikt eah da layves-krohn vo da Hah fashprocha hott zu selli vo een leeb henn.

1. Petrus 1:7

Dee sacha kumma so es eiyah glawva—vo may veaht is es gold vass fagayt, un vass broviaht vatt deich feiyah—shtandhaftich kfunna sei kann zumm lohb, hallichkeit un eah, vann Jesus Christus moll kumd,

1. Petrus 5:10

Avvah da Gott funn alli gnawt, deah vo uns raus groofa hott zu sei ayvichi hallichkeit in Christus Jesus, zayld selvaht eich folkumma, shtandhaftich, greftich un gegrund macha, noch demm es diah glidda hend fa en katzi zeit.