Glawk-Leedah 3:25 - Pennsylvania Dutch Bible

²⁵ Da Hah is goot zu selli es voahra uf een, zu sellah es een sucht.

Glawk-Leedah 3:25 Σταυροειδείς Αναφορές

1. Mosi 49:18

Oh Hah, ich voaht fa dei saylichkeit.

1. Chronik 28:9

Un du, mei boo Solomon, lann da Gott funn dei faddah kenna un deen een mitt dei gans hatz un mitt en villichi sayl. Fa da Hah sucht di hatza aus, un fashtayt alles es di gedanka im sinn henn. Vann du een suchsht, zaylsht du een finna; avvah vann du een falosht, dann shtohst eah dich vekk fa'immah.

2. Chronik 15:2

Eah is naus ganga fa da Asa ohdreffa un hott ksawt zu eem, “Asa un gans Juda un Benjamin, heichet miah ab. Da Hah is mitt eich vann diah mitt eem sind. Vann diah een suchet, zaylet diah een finna, avvah vann diah een falosset, dann falost eah eich.

2. Chronik 19:3

Doch, 'sis noch samm goodes in diah veil du di Ashera-poshta vekk aus em land gedu hosht, un dei hatz ksetzt hosht fa da Hah sucha.”

2. Chronik 30:19

es sei hatz risht fa Gott da Hah, da Gott funn sei foah-feddah sucha, even vann eah nett rein is vi's kfoddaht is fa's heilich-fesht essa.”

2. Chronik 31:21

In alles es eah ohkfanga hott fumm deensht im Gott sei tempel fa's Ksetz un di gebodda halda hott eah gedu bei sei Gott folshtendich sucha. Deich sell hott's goot auskshaft fa een.

Ezra 8:22

Ich habb mich kshemd da kaynich frohwa fa greeks-gnechta un geil-reidah fa uns aus di kfoah halda funn unsah feinda uf em vayk, veil miah ksawt katt henn zumm kaynich, “Di gnaydich hand funn unsah Gott is uf awl selli es een sucha, avvah sei shteikah zann is geyyich awl selli es een falossa.”

Psalm 105:3

Hallichet sei heilichah nohma; loss di hatza funn selli es da Hah sucha sich froiya.

Psalm 119:2

Ksaykend sinn selli es sei zeiknisa halda, selli vo een sucha mitt iahra gans hatz,

Psalm 22:26

Selli es leida, sella essa un satt sei; selli es da Hah sucha zayla een lohva. Eiyah hatza sella ayvichlich layva.

Psalm 25:8

Da Hah is goot un gerecht, fasell veist eah di sindah sei vayk.

Psalm 27:14

Voaht uf da Hah, sei shteik un gedrohsht, ich sawk viddah, voaht uf da Hah.

Psalm 27:8

Vo du ksawt hosht, “Such fa mei ksicht,” hott mei hatz ksawt, “Dei ksicht, oh Hah, zayl ich sucha.”

Psalm 37:34

Voaht uf da Hah, un hald dich uf seim vayk. No haybt eah dich uf fa's land eahva. Vann di gottlohsa abkshnidda vadda, zaylsht du's sayna.

Psalm 37:7

Sei shtill fannich em Hah, un voaht geduldich uf een. Sei nett bekimmaht vann's goot gayt mitt leit, adda mitt selli es iahra evili sacha ausdrawwa.

Psalm 39:7

Avvah nau, oh Hah, vass binn ich am voahra druff, mei hofning is in diah.

Psalm 61:1

Heich mich ab vann ich roof, oh Gott; nemm acht funn meim gebayt.

Psalm 61:5

Du hosht mei fashprechinga keaht, oh Gott, un hosht miah di eahbshaft gevva es zu selli heaht es dei nohma firchta.

Psalm 69:32

Di aylendicha sayna dess un sinn froh; diah es Gott suchet, losset eiyah hatza moot havva.

Psalm 71:14

Avvah ich selvaht zayl immah hofning havva, un zayl dich may un may preisa.

Jesoiya 25:9

In sellah dawk zayld's ksawt vadda, “Dess is geviss unsah Gott; miah henn eem gedraut, un eah hott uns saylich gmacht. Dess is da Hah, miah henn unsah fadrauwa in een gedu, vella fraylich un froh sei in sei saylichkeit.”

Jesoiya 26:9

Mei sayl hott en falanga fa dich in di nacht, un mei geisht in miah dutt eahnshtlich sucha fa dich. Vann dei gerichta uf di eaht kumma, dann lanna di leit funn di veld gerechtichkeit.

Jesoiya 30:18

Avvah doch da Hah vill gnaydich sei zu eich, un eah haybt sich uf fa bamhatzichkeit veisa zu eich. Veil eah en Gott is es immah dutt vass recht is. Ksaykend sinn awl selli es voahra fa een!

Jesoiya 40:31

Avvah selli es voahra uf da Hah, zayla frishi graft greeya. Si zayla fleeya mitt flikkel vi di awdlah; si zayla shpringa un nett meet vadda, si zayla lawfa un nett shvach vadda.

Jesoiya 55:6

Suchet da Hah diveil es eah kfunna sei kann, roofet zu eem diveil es eah nayksht is.

Jesoiya 64:4

Siddah aldi zeida hott nimmand keaht, adda fanumma deich sei oah, un kenn awk hott ennichah Gott ksenna, es vi yusht dich; deah es shaft fa selli es voahra uf dich.

Glawk-Leedah 3:26

Es is en goot ding fa hofning havva, un fa geduldich voahra uf em Hah sei saylichkeit.

Hosea 10:12

Sayyet gerechtichkeit fa eich selvaht, eahndet di frucht funn shtandhaftichi-leevi, un bloowet eiyah neiyah grund; fa's is zeit fa da Hah sucha, biss eah kumd un reyyaht gerechtichkeit uf eich.

Zephania 3:8

Fasell, voahdet uf mich,” sawkt da Hah, “voahdet biss ich ufshtay fa en zeiknis. Ich habb ausgmacht fa di heida zammah samla, di kaynich-reicha zammah bringa un mei zann ausleahra uf si, mitt awl mei gleedichah zann. Di gans veld zayld ufgebrend vadda beim feiyah funn meim haysa zann.”

1. Thessalonicher 1:10

Si fazayla vi diah am voahra sind uf sei Sohn fumm Himmel, deah es eah uf gvekt hott funn di dohda—sell is, Jesus, deah vo uns aus em zann kalda hott es am kumma is.

Jakobus 5:7

Fasell, leevi breedah, seind geduldich biss da Hah zrikk kumd. Gukket moll, da bavvah voaht fa's keshtlich frucht funn di eaht, un is geduldich mitt biss es da free un da shpoht reyya grikt.