Glawk-Leedah 2:8 - Pennsylvania Dutch Bible

⁸ Da Hah hott ausgmacht fa di vand funn di Dochtah Zion nunnah reisa. Eah hott en mess-shnuah an di vand nohch kshtrekt, un hott sei hand nett zrikk kohva, biss eah di ausah un innahlich vand nunnah grissa katt hott; si henn alles zammah uf em bodda gleyya.

Glawk-Leedah 2:8 Σταυροειδείς Αναφορές

2. Samuel 8:2

Da Dawfit is aw di Moabiddah ivvah-kumma. Eah hott si gmacht uf da bodda leiya un hott si abgmessa mitt en mess-shtrikk. Alli zvay leng funn demm shtrikk voahra doht gmacht un di dritt leng voah alawbt fa layva bleiva. So hott eah di Moabiddah ivvah-gnumma un hott si gmacht tax betzawla.

2. Kaynicha 21:13

Ich zayl Jerusalem messa mitt di saym messa-shnuah es ich gyoost habb geyyich Samaria un di saym plumb-line es ich gyoost habb geyyich da Ahab un sei nohch-kummashaft. Ich zayl Jerusalem ausbutza vi en mann en shissel ausbutza dutt mitt en lumba un see ivvah-drayya dutt.

Hiob 13:21

Nemm dei hand ab funn miah, un heah uf mich fagelshtahra un mich engshtlich macha.

Jesoiya 22:5

Fa da Hah, da Awlmechtich Hah hott en dawk mitt fagelshtahres, nunnah-dreddes, un fashtatzes in di Valley funn Vision, en dawk es di vanda nunnah gebrocha vadda, un leit roofa naus zu di berga.

Jesoiya 28:17

Ich mach eahlich richtes da bendel fa messa, un gerechtichkeit da level. Shlohsa keahra vekk awl di leeya es diah eich falosset druff, un hohch vassah lawft ivvah eiyah fashtekkel-blatz.

Jesoiya 3:26

Di shtatt-doahra funn Zion zayla veina un heila; di shtatt zayld leah sei un uf em bodda hokka.

Jesoiya 34:11

Avvah da voi un da nacht-owl zayla's aykna, da grohs-owl un di grabb macha iahra neshtah datt. Gott zayld's land funn Edom messa mitt di messa-shnuah funn fadauves, un mitt di plumb-line funn en leahrah blatz.

Jesoiya 5:5

Nau sawk ich eich vass ich du zayl mitt mei vei-goahra: Ich nemm di hekka-fens vekk, no vatt eah gans fadauva; ich brech di vand nunnah, no vatt eah alles fashtambt.

Jeremia 14:2

“Juda is am heila, iahra shtett sinn am yammahra; si hokka uf em bodda am veina, Jerusalem greisht naus fa hilf.

Jeremia 5:10

Gay deich iahra vei-goahra un fadaub si, avvah du si nett folshtendich fadauva. Reis iahra nesht ab funn di vei-shtekk, fa si heahra nett zumm Hah.

Jeremia 52:13

Eah hott em Hah sei tempel ohkshtekt mitt feiyah un aw's kaynich-haus un awl di heisah funn Jerusalem. Awl di grohsa heisah hott eah nunnah gebrend.

Glawk-Leedah 2:17

Da Hah hott gedu vass eah im sinn katt hott; eah hott sei vatt ausgedrawwa es eah lang zrikk gebodda katt hott. Eah hott dich nunnah kshmissa unni bamhatzichkeit; eah hott dei feinda glost sich froiya ivvah dich, un hott iahra macht noch shteikah gmacht.

Glawk-Leedah 2:18

Di hatza funn di leit roofa naus zumm Hah, “Oh mavvah funn di Dochtah Jerusalem, loss dei awwa-vassah lawfa vi en revvah dawk un nacht; gebb diah selvaht kenn roo un loss dei awwa nett ufheahra heila.”

Glawk-Leedah 2:2

Da Hah hott awl di haymeda fumm Jakob zammah grissa unni bamhatzichkeit. In sei zann hott eah di feshta bletz funn di Dochtah Juda nunnah gebrocha. Eah hott iahra kaynich-reich un feddahshti runnah uf da bodda gebrocht in shohm.

Glawk-Leedah 2:5

Da Hah is vadda vi en feind, un hott Israel nunnah gebrocha. Eah hott awl iahra kaynich-heisah zammah grissa un iahra feshti bletz fadauva. Eah hott feel yammahres un leides gebrocht zu di Dochtah Juda.

Ezekiel 20:22

Avvah ich habb mei hand zrikk kohva fa di sayk funn meim nohma, so es mei nohma nett unheilich vatt datt unnich di heida, selli es es ksenna henn vo ich di Kinnah-Israel raus gebrocht habb.