Epheser 6:4 - Pennsylvania Dutch Bible

⁴ Un diah feddah, shtaddet eiyah kinnah nett uf so es si in da zann kumma, avvah zeeyet si uf in di adning un famohning fumm Hah.

Epheser 6:4 Σταυροειδείς Αναφορές

1. Mosi 18:19

Ich habb een raus groofa so es eah sei kinnah, un sei haus-halding noch eem lanna dutt fa da vayk fumm Hah halda bei du vass gerecht un goot is. Dess is so es da Hah du kann fa da Abraham vass eah ksawt hott.”

1. Chronik 28:20

No hott da Dawfit ksawt zu seim boo da Solomon, “Sei shteik un gedrohsht, un richt dess aus. Feich dich nett, un faliah nett moot, fa Gott da Hah, mei Gott, is mitt diah. Eah lost dich nett nunnah un falost dich nett biss du awl di eahvet gedu hosht fa da deensht im Hah sei haus.

1. Chronik 29:19

Gebb meim boo da Solomon en folshtendich falanges im hatz fa dei gebodda, zeiknisa un adninga halda, un fa da tempel bauwa, deah es ich kseikt habb difoah.”

Shpricha 19:18

Mach dei boo heicha diveil es hofning datt is, sei nett en hilf zu seim doht.

Shpricha 22:15

Dumheida sinn im hatz funn kinnah, avvah da shlayk-shtekka dreibt's aus eena.

Shpricha 22:6

Lann en kind vi eah gay soll, un vann eah moll ald vatt drayt eah nett vekk difunn.

Shpricha 29:15

Di root funn shtrohf bringd veisheit, avvah en kind es gay glost vatt bringd shohm zu sei maemm.

Shpricha 29:17

Shtrohf dei sohn, un eah gebt diah drohsht; eah zayld frayt zu deim hatz gevva.

Jesoiya 38:19

Es sinn di levendicha es dich danka, so vi ich du heit; da faddah sawkt sei kinnah veyyich dei shtandhaftichkeit.

Epheser 6:3

“so es es goot gayt mitt eich, un es diah lang layvet uf di eaht.”

5. Mosi 4:9

Gevvet yusht acht un heedet eiyah sayl goot, so es diah nett di sacha fagesset es eiyah awwa ksenna henn, so es si nett eiyah hatza falossa eiyah layva lang. Sawwet si zu eiyah kinnah un kinds-kinnah.

5. Mosi 6:7

Diah sellet si goot lanna zu eiyah kinnah, un sellet shvetza veyyich si vann diah in eiyah haus hokket, vann diah uf em vayk lawfet, vann diah eich anna layyet un vann diah uf shtaynd.

Kolosser 3:21

Diah feddah, fabiddahret eiyah kinnah nett, adda si faliahra moot.

2. Timotheus 1:5

Ich meind aw noch da shtandhaftich glawva es in diah is. Deah vo seahsht in dei grohs-mammi, di Lois, un in dei maemm di Eunice voah, un ich binn shuah es aw in diah is.

2. Timotheus 3:15

Un evvah siddah es du en glay kind voahsht, hosht du di Heilich Shrift gvist, dee vo diah veisheit gevva kann zu di saylichkeit deich da glawva in Christus Jesus.

Joshua 24:15

Vann's eich nett kfald fa da Hah deena, dann machet heit eiyah meind uf veah diah deena vellet—di abgettah es eiyah foah-feddah gedeend henn uf di annah seit fumm Revvah, adda di gettah funn di Amoriddah do vo diah voonet. Avvah so veit es es mich un mei family ohgayt, miah zayla da Hah deena.”

Richtah 13:12

No hott da Manoah een kfrohkt, “Vann dei vadda moll voah kumma, vass muss da boo du; vass fa en layva soll eah fiahra?”