Epheser 5:10 - Pennsylvania Dutch Bible

¹⁰ Broviahret lanna vass em Hah kfellich is,

Epheser 5:10 Σταυροειδείς Αναφορές

Psalm 19:14

Loss di vadda funn mei maul, un di gedanka funn mei hatz, diah kfellich sei, oh Hah, mei Felsa un mei Frei-Shtellah.

Shpricha 21:3

Fa du vass recht un feah is, is may leeblich zumm Hah es opfahra.

Jesoiya 58:5

Is sell di satt fashtes es miah kfellich sei soll? Is es yusht en dawk es en mensh sich daymeedicha dutt? Dutt ebbah yusht sei kobb nunnah beeya vi en shtengel, un dutt sekk-glaydah un esh unnich sich? Is sell vass diah en fasht hayset, un en dawk es da Hah ohnemma soll?

Jeremia 6:20

Vass gebb ich um insens funn Seba, adda salb-ayl funn en land veit ab? Eiyah brand-opfahra nemm ich nett oh; eiyah opfahra kfalla miah nett.”

Römer 14:18

Deah vo Christus deend in dee sacha, kfald Gott un is ohksenna bei mensha.

Philipper 1:10

So es diah vissa kennet vass es besht is, un es diah ufrichtich un unshuldich sind biss an da dawk funn Christus.

Philipper 4:18

Ich habb alles grikt, un may es ich brauch. Nau es ich di kshenkah grikt habb fumm Epaphroditus es diah kshikt henn, habb ich alles es ich brauch. Dee kshenkah sinn vi en sees-shmakkichah opfah es Gott ohnemd un es kfellich sinn zu eem.

Kolosser 1:10

Miah frohwa dess es diah en layva fiahra kennet es veahtfol is fumm Hah, es diah eem feel frayt gevva daydet, es diah fruchtboah veahret in alli goodi eahvet, un es diah vaxa daydet in vass diah fashtaynd funn Gott.

1. Thessalonicher 5:21

avvah broviahret alles aus, un vass goot is, haldet.

1. Timotheus 2:3

Dess is goot un kfald Gott unsahm Heiland.

1. Timotheus 5:4

Vann en vitt-fraw kinnah adda kinds-kinnah hott, loss selli kinnah seahsht lanna fa iahra aykni haymet gettlich veisa bei seiya fa iahra eldra. Dess is leeblich zu Gott un is eem kfellich.

Hebräer 12:28

So dann, siddah es miah am en Kaynich-Reich greeya sinn es nett kshiddeld sei kann, losset uns gnawt havva, so es miah Gott deena kenna in en vayk es es eem kfellich is, un een eahra mitt angsht.

1. Petrus 2:20

Fa vass fa en eah is es zu diah vann du gegaysheld vasht fa ebbes letzes du, un du nemsht's mitt geduld? Avvah vann du recht dusht, un du musht leida difoah mitt geduld, sell is en frayt zu Gott.

1. Petrus 2:5

Un grawt vi levendichi shtay, so sind diah selvaht am ufgebaut vadda in en geishtlich haus fa en heilichi preeshtahshaft vo geishtlichi opfahra opfaht es ohgnumma sinn bei Gott deich Jesus Christus.

1. Samuel 17:39

Da Dawfit hott sei shvatt ohgedu ivvah sei greeks-ksha un hott broviaht lawfa, veil eah si noch nett ausbroviaht katt hott. No hott eah ksawt zumm Saul, “Ich kann nett gay mitt dee, veil ich si nett ausbroviaht habb.” No hott eah si ausgedu.